घरगुती गॅस सिलेंडरच्या किमतीत पुन्हा वाढ, सर्वसामान्यांच्या खिशाला कात्री

नवी दिल्ली : घरगुती एलपीजी गॅस सिलेंडरच्या किमतीत पुन्हा वाढ झाली आहे. आज एलपीजी सिलेंडरमध्ये ५० रुपयांची वाढ झाली आहे. देशात पेट्रोल आणि डिझेलच्या वाढत्या किमतींमुळे आधीच जनता त्रासलेली असतानाच सिलिंडरच्या दरात ही वाढ झाली आहे. एलपीजीच्या दरवाढीमुळे भारतातील सर्वसामान्यांच्या त्रासात भर पडणार आहे. 14.2 किलोच्या विनाअनुदानित घरगुती गॅस सिलिंडरची किंमत आजपासून 999.50 रुपये प्रति सिलिंडर असेल.

देशाची राजधानी नवी दिल्लीत घरगुती गॅसचा दर ९९९ रुपये ५० पैसे इतका झाला आहे. नवे दर आजपासून लागू करण्यात आले आहेत. २२ मार्चला यापूर्वी ५० रुपयांची दरवाढ करण्यात आली होती. एप्रिल महिन्यात घरगुती गॅसचे दर वाढवण्यात आले नव्हते.

या महिन्याच्या सुरुवातीला व्यावसायिक एलपीजी सिलिंडरच्या किमती वाढवण्यात आल्या होत्या. 1 मे रोजी 19 किलोच्या व्यावसायिक एलपीजी सिलिंडरची किंमत 102.50 रुपयांनी वाढून 2355.50 रुपयांवर पोहोचली, जी पूर्वी 2253 रुपये होती. तसेच, 5 किलोच्या एलपीजी व्यावसायिक सिलिंडरची किंमत 655 रुपये करण्यात आली आहे.

रशिया-युक्रेनच्या परिस्थितीचा परिणाम म्हणून पेट्रोल आणि पेट्रोलियम उत्पादनांच्या अलीकडील किंमतीतील वाढ जागतिक ऊर्जा किंमतींमध्ये तीव्र वाढ झाली आहे.