संतापजनक : औषध आणण्यासाठी गेलेल्या अल्पवयीन मुलीवर सामूहिक बलात्कार

राजस्थानमध्ये अतिशय धक्कादायक घटना घडली आहे. धौलपूरमधील राजाखेडा पोलीस ठाण्याच्या हद्दीतील एका गावात चार तरुणांनी १६ वर्षीय अल्पवयीन मुलीवर बलात्कार केला. या घटनेने परिसरात खळबळ उडाली आहे.

मिळालेल्या माहितीनुसार, १२ फेब्रुवारी रोजी ही अल्पवयीन मुलगी रात्री साडेनऊ वाजताच्या सुमारास पोटात दुखू लागल्याने औषध आणण्यासाठी परिसरातील दुकानात गेली होती. तेथे दुकान मालक आणि अन्य तिघे जण बसलेले होते. त्यांनी मुलीला दुकानाच्या आतमध्ये बोलावून घेतले. त्यानंतर चौघांनी तिच्यावर सामूहिक बलात्कार केला.

पीडिता आणि आरोपी एकाच गावातील आहेत. या प्रकरणी पोलिसांत गुन्हा दाखल करण्यात आला आहे. पोलिसांनी मिळालेल्या माहितीच्या आधारे गुन्हा दाखल केला आहे. आरोपींच्या अटकेसाठी पोलिसांची पथके नेमली आहेत. विविध ठिकाणी छापेमारी करण्यात येत आहे. आरोपींना लवकरच अटक करण्यात येईल, असे पोलिसांनी सांगितले.