मोठी बातमी! अहमदाबाद बॉम्बस्फोट प्रकरणातील ३८ जणांना फाशीची शिक्षा

अहमदाबाद : अहमदाबादमध्ये २६ जुलै २००८ रोजी झालेल्या साखळी बॉम्बस्फोट प्रकरणातील दोषींना शुक्रवारी शिक्षा सुनावण्यात आली. 38 दोषींना फाशी आणि 11 जणांना जन्मठेपेची शिक्षा सुनावण्यात आली आहे. ८ फेब्रुवारी रोजी शहर दिवाणी न्यायालयाने ७८ पैकी ४९ आरोपींना UAPA (अनलॉफुल अॅक्टिव्हिटीज प्रिव्हेन्शन अॅक्ट) अंतर्गत दोषी ठरवले होते. अयाज सय्यद या दोषींपैकी एकाची तपासात मदत केल्याबद्दल सुटका करण्यात आली आहे. याशिवाय 29 जणांची पुराव्याअभावी निर्दोष मुक्तता करण्यात आली आहे.

या बॉम्बस्फोटात मृत्युमुखी पडलेल्यांच्या नातेवाईकांना एक लाख, गंभीर जखमींना ५० हजार आणि किरकोळ जखमींना २५ हजार रुपये देण्यात येतील, असे न्यायालयाने म्हटले आहे.