85-year-old senior citizen drowns in swimming pool
पुणे : ८५ वर्षीय ज्येष्ठ नागरिकाचा जलतरण तलावात बुडून मृत्यू झाल्याची घटना समोर आली आहे. सूचित घास असे मृत व्यक्तीचे नाव आहे. ही घटना वानवडीमध्ये बुधवारी (५ मार्च) सकाळी आठच्या सुमारास सेक्रेड हार्ट टाऊन सोसायटीमधील जलतरण तलावात घडली.
मिळालेल्या माहितीनुसार, सूचित घास हे सेक्रेड हार्ट टाऊन सोसायटीमध्ये राहत होते. बुधवारी सकाळी ८ वाजता एका तरुणीने तलावात कोणीतरी बुडालेलं असल्याचं पाहिलं. तिने तात्काळ सोसायटीच्या सुरक्षारक्षकांना आणि इतर रहिवाशांना त्याबाबत सूचित केले. रहिवाशांनी तत्काळ सूचित घास यांना तलावातून बाहेर काढले आणि नजिकच्या खासगी रुग्णालयात दाखल केले. मात्र, रुग्णालयात दाखल केल्यानंतर डॉक्टरांनी त्यांना मृत घोषित केले. या घटनेवेळी तलावाच्या आसपास कोणीही जीवरक्षक उपस्थित नव्हता, आणि तलाव परिसरात सीसीटीव्ही कॅमेरे देखील नव्हते. त्यामुळे बुडूनच त्यांचा मृत्यू झाला की इतर कारणांमुळे ते बेशुद्ध पडले होते, याबाबत स्पष्टता नाही. शवविच्छेदनाची प्रक्रिया पूर्ण झाल्यानंतरच त्यांचा मृत्यू होण्याचे कारण समजेल, असे पोलिसांनी सांगितले.
पोलिसांनी या प्रकरणी पुढील तपास सुरू केला आहे. मात्र, ही घटना दर्शवते की जलतरण तलावासारख्या सार्वजनिक ठिकाणी जीवरक्षकाची आणि देखरेखीची तसेच सीसीटीव्ही कॅमेरे असण्याची आवश्यकता आहे. जेणेकरून असुरक्षिततेच्या परिस्थितीमध्ये तात्काळ मदत मिळू शकेल. सुरक्षा आणि उपाययोजना अधिक कडक करण्याची गरज आहे, जेणेकरून अशा घटनांना प्रतिबंध केला जाऊ शकेल.
शिबलापूर : समाजहिताची जाणीव जपत आणि शिक्षणाला हातभार लावण्याच्या उद्देशाने, महाराष्ट्र शासनाकडून प्रदान करण्यात आलेल्या…
बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…
मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…
नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…
नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…
पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…