पुणे : वानवडीत ज्वेलर्सच्या दुकानाला भीषण आग

पुणे : पुण्यात वानवडी येथील एका ज्वेलर्सच्या या दुकानाला पहाटे भीषण आग लागली. या आगीत दुकानातील फर्निचर जळून खाक झाले तर चांदीच्या मूर्ती आणि इतर वस्तू आगीत वितळून गेल्या. वानवडी येथील परमार पार्क सोसायटीत या दुकानाला सकाळी सात वाजण्याच्या सुमारास आग लागली होती.

मिळालेल्या माहितीनुसार, ज्वेलर्सच्या दुकानाला सकाळी सात वाजण्याच्या सुमारास आग लागली होती. दुकानातून धुर येत असल्याचे पाहून नागरिकांनी तात्कळ अग्निशमन दलाला याबाबत माहिती दिली. त्यानंतर कोंढव्यातील अग्निशमन दलाची एक गाडी घटनास्थळी दाखल झाली. त्यांनी शटर उचकटून आग विझविली. दुकानातील सर्व फर्निचर आगीच्या भक्ष्यस्थानी सापडले असून आगीत लाखो रुपयांचे नुकसान झाले आहे. दरम्यान, शॉट सर्किटमुळे आग लागल्याचा अंदाज व्यक्त करण्यात आला आहे.