मुंबई : दादर रेल्वे टर्मिनलमध्ये उभ्या असलेल्या रणकपूर एक्स्प्रेसमधील टॉयलेटमध्ये एका व्यक्तीने आत्महत्या केल्याची घटना उघडकीस आली आहे. रणकपूर एक्स्प्रेस दादर स्टेशनवर उभी असताना आरपीएफकडून रेल्वेची तपासणी करण्यात आली. यावेळी ही घटना समोर आली.
मिळालेल्या माहितीनुसार, रणकपूर एक्स्प्रेस दादरमध्ये आल्यानंतर आरपीएफकडून रेल्वेची चेकिंग सुरू होती. त्यादरम्यान ही घटना उघडकीस आली. रेल्वेची तपासणी करतेवेळी ट्रेनमध्ये अगदी कमी प्रवासी होते. आरपीएफने एक्स्प्रेसच्या डब्ब्यातील टॉयलेटचा दरवाजा उघडण्याचा प्रयत्न केला, मात्र कोणीही दरवाजा आतून उघडत नव्हते. आरपीएफने प्रयत्न केले पण दरवाजा उघडला जात नव्हता. शेवटी दरवाजा तोडण्यात आला. यावेळी टॉयलेटमध्ये एका व्यक्तीचा मृतदेह आढळून आला. एका व्यक्तीने टॉवेलच्या मदतीने टॉयलेटमध्ये आत्महत्या केली होती. या घटनेने मोठी खळबळ उडाली. यानंतर रेल्वे पोलिसांनी मुंबई सेंट्रल रेल्वे पोलिस ठाण्यात आकस्मिक मृत्यूची नोंद केली आहे.
पोलिसांनी मृतदेह खाली उतरवून तपासणी केली. पोलिसांकडून मृतदेहाची ओळख पटवण्यासाठी प्रयत्न केले जात आहेत. मात्र, मृत व्यक्तीजवळ मोबाईल फोन किंवा इतर काही ओळखपत्र सापडले नाही. गाडी दादरमध्ये आल्यावरच या व्यक्तीने फाशी घेतली की, अगोदरच याचा शोध पोलिसांकडून घेतला जात आहे. हा व्यक्ती कोण, कुठून आला, आत्महत्या करण्याचे कारण काय याचा तपास सुरु आहे. बुधवारी उशीरा रणकपूर एक्स्प्रेस दादर स्टेशनवर आल्यानंतर ही घटना उघडकीस आली. पोलिस अधिक तपास करत आहेत.
मुंबई : हरियाणवी मनोरंजन क्षेत्रातील उदयोन्मुख अभिनेत्री दिव्यांका सिरोही हिच्या आकस्मिक निधनाने चाहत्यांमध्ये शोककळा पसरली…
मुंबई : महाराष्ट्र राज्य मार्ग परिवहन महामंडळ (एसटी) व परिवहन विभागामार्फत राबविण्यात येणाऱ्या ‘रस्ता सुरक्षा…
मुंबई : विद्यार्थ्यांना परदेशात रोजगाराच्या संधी उपलब्ध होण्यासाठी संबंधित देशांची भाषा व संस्कृतीचे ज्ञान अत्यावश्यक…
मुंबई : भारतीय हवामान खात्याच्या (आयएमडी) दिनांक २० एप्रिल २०२६ रोजी जाहीर केलेल्या पाच दिवसीय…
शिबलापूर : समाजहिताची जाणीव जपत आणि शिक्षणाला हातभार लावण्याच्या उद्देशाने, महाराष्ट्र शासनाकडून प्रदान करण्यात आलेल्या…
बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…