पोलिस हवालदार महिलेने केला सासूला पेटवण्याचा प्रयत्न

कोल्हापूर : पोलिस हवालदार असलेल्या महिलेने आपल्या सासूला पेटवून ठार मारण्याचा प्रयत्न केला. कसबा बावडा येथे मध्यरात्रीच्या सुमारास ही घटना घडली. घरगुती वादातून घडलेल्या या धक्कादायक प्रकारामुळे खळबळ उडाली आहे. या घटनेत सासू आशालता श्रीपती वराळे जखमी झाल्या आहेत. तर पोलिसांनी हवालदार संगीता राजेंद्र वराळे हिला अटक केली आहे.

मिळालेल्या माहितीनुसार, संगीता वराळे ही महिला कोल्हापूर पोलिस मुख्यालयात नोकरीला आहे. त्या त्यांच्या सासूसोबत बावडा येथील आंबेडकर वसाहत येथे वास्तव्यास होत्या. या दोघींमध्ये कौटुंबिक कारणावरून सतत वाद होत असायचे. सोमवारी मध्यरात्री एक वाजता देखील या दोघींमध्ये वाद सुरु झाला. त्यामुळे संतापलेल्या सूनेने सासूच्या तोंडावर रॉकेल फेकले. त्यानंतर कागद पेटवून सासूच्या दिशेने फेकला. त्यामुळे कपड्याने पेट घेतला. यात आशालता यांचे तोंड व मान भाजल्याने त्या जखमी झाल्या. त्यांच्यावर सध्या एका खासगी रूग्णालयात उपचार सुरू आहेत.

रेल्वे स्थानकावर बेशुद्ध पडली महिला, 2 वर्षांच्या चिमुकलीने प्रसंगावधान दाखवत वाचवले आईचे प्राण

शाहूपुरी पोलिस ठाण्यात याप्रकरणी गुन्हा दाखल करण्यात आला आहे. संशयित सून वराळे हिला रात्री उशिरा अटक करण्यात आली आहे.

दुःखद : म्युकरमाकोसिसमुळे डोळा गमावलेल्या पोलिसाची आत्महत्या..