आज राज्यात अनेक जिल्ह्यांमध्ये मुसळधार पावसाची शक्यता, घराबाहेर पडताना खबरदारी घेण्याचं आवाहन

मुंबई : आज (७ ऑक्टोबर) राज्यात अनेक जिल्ह्यांमध्ये मुसळधार पाऊस पडण्याची शक्यता हवामान विभागाने वर्तवली आहे. औरंगाबाद, जालना, बीड, अहमदनगर, जळगाव, धुळे व नंदुरबार जिल्ह्यांतील काही ठिकाणी विजांच्या कडकडाटासह 30-40 किमी प्रतितास वेगाने वादळी वारे वाहतील, यासह मुसळधार पाऊस पडण्याची शक्यता आहे.

तसेच, रायगड, रत्नागिरी, पुणे आणि नाशिक जिल्ह्यांतील काही ठिकाणी पावसाच्या तुरळक सरी पडण्याची शक्यता आहे. काही भागात सोसाट्याच्या वाऱ्यासह विजांचा कडकडाट होण्याची शक्यता आहे. हवामान विभागाकडून घराबाहेर पडताना खबरदारी घेण्याचं आवाहन करण्यात आलं आहे.