कीर्तनकारांचं पॉर्न व्हिडीओ प्रकरण : अखेर महिला आणि पुरुष कीर्तनकारांविरोधात गुन्हा दाखल

औरंगाबाद : औरंगाबाद जिल्ह्यातील शिल्लेगाव पोलीस ठाणे हद्दीतील एका महिला आणि पुरुष कीर्तनकाराचा शारीरिक संबंध प्रस्थापित करत असतानाचा अश्लिल व्हिडीओ व्हायरल झाल्यानं एकच खळबळ उडाली आहे. अशा प्रकारचे दोन व्हिडीओ सध्या समाज माध्यमावर व्हायरल झालेले पाहायला मिळत आहेत. या प्रकरणात अखेर गुन्हा दाखल करण्यात आला आहे.

औरंगाबाद जिल्ह्यातील पुरुष कीर्तनकार आणि महिला कीर्तनकार यांचा अश्लील व्हिडिओ व्हायरल झाला होता. अखेर वैजापूरच्या त्या कीर्तनकारासह महिलेविरोधातही शिल्लेगाव पोलीस ठाण्यात गुन्हा दाखल केला आहे. धार्मिक भावना दुखावल्याप्रकरणी रविवारी रात्री ज्ञानेश्वर माणिकराव खिल्लारे यांच्या फिर्यादीवरून पुरुष कीर्तनकार याच्यासह त्या महिलेवर गुन्हा दाखल करण्यात आला आहे.

गेली अनेक वर्षे कीर्तनकार म्हणून प्रसिद्ध असलेले वैजापूर तालुक्यातील 48 वर्षीय महाराज आणि सिल्लोड तालुक्यातील 40 वर्षीय महिला कीर्तनकार या अश्लील व्हिडिओ क्लिपमध्ये नको त्या अवस्थेमध्ये दिसून आले. या महाराजांना एक मुलगा देखील आहे. सदरील व्हिडिओ हा महाराजांनी चित्रित केल्याचंही या चित्रफितीमध्ये पाहायला मिळत आहे. या व्हिडीओ क्लिपमध्ये दिसणारी महिला ही देखील कीर्तनकार आहे. या दोघांचाही मोठा भक्त परिवार असून यू ट्यूबवर मोठे फॉलोअर्सवर सुद्धा आहेत.

दरम्यान, व्हिडिओ सोशल मीडियावर प्रचंड व्हायरल झाल्यानंतर या कीर्तनकार महिलेने विषप्राशन करून आत्महत्या करण्याचा प्रयत्न केल्याची माहिती स्थानिकांनी दिली आहे. तिच्यावर औरंगाबाद येथील एका खाजगी रुग्णालयात उपचार सुरु आहेत.