गरम पाण्यात लिंबू-मध प्यायल्याने खरंच वजन कमी होते का? जाणून घ्या काय आहे सत्य…

पुणे : वजन कमी करण्यासाठी लोक अनेक पद्धतींचा अवलंब करतात. ज्यामध्ये सॅलड खाणे, जिममध्ये जाऊन व्यायाम करणे, प्रोटीन शेक पिणे, योगासने करणे असे अनेक उपाय आहेत. पण त्याच वेळी, वजन कमी करण्याचा सर्वात सामान्य मार्ग म्हणजे ‘सकाळी उठून रिकाम्या पोटी गरम पाण्यात लिंबाचा रस मिसळून पिणे हे मानले जाते. आपण अनेकदा हे ऐकतो की सकाळी एक ग्लास कोमट पाण्यात लिंबू आणि मध प्यायल्याने वजन कमी होण्यास मदत होते.

ज्यांनी नुकताच आपला फिटनेस प्रवास सुरू केला आहे, त्यांच्यापैकी बहुतेकांच्या मनात ही गोष्ट असते की रोज सकाळी उठल्यावर कोमट पाण्यात लिंबू मिसळून प्यावे, जेणेकरून त्यांचे वजन लवकर कमी होईल. बहुतेक आहारतज्ञ असेही सुचवतात की दिवसाची सुरुवात लिंबूपाणी पिऊन करावी. पण यामुळे वजन कमी होण्यास खरंच मदत होते का? कदाचित याबद्दल जाणून घेण्याचा आपण प्रयत्न करत नाही. चला तर याविषयी सविस्तर जाणून घेऊया…

तज्ज्ञांचे मत
गरम पाण्यात थेट लिंबू-मध प्यायल्याने वजन कमी होत नाही, असे तज्ज्ञांचे म्हणणे आहे. वजन कमी करण्याशी त्याचा काहीही संबंध नाही, त्यामुळे थेट रिकाम्या पोटी लिंबू आणि गरम पाण्याचे सेवन केल्याने वजन कमी होण्यास किंवा चरबी कमी करण्यास थेट मदत होत नाही. पण कॅलरीयुक्त पेय पिण्याऐवजी लिंबू घालून गरम पाणी प्यायल्यास वजन कमी होण्यास मदत होते. याचे कारण म्हणजे सोडा, पॅकिंग फ्रूट ज्यूस यांसारख्या इतर पेयांपेक्षा त्यात कमी कॅलरीज असतात. लिंबू पाणी प्यायल्याने भूक कमी लागते, ज्यामुळे वजन कमी होण्यास मदत होते.

लिंबू पाणी शरीराला हायड्रेट ठेवते, जे वजन कमी करण्यासाठी खूप महत्वाचे आहे. याचे कारण असे की कधीकधी आपल्याला तहान लागल्यावर पाणी पिण्याऐवजी काहीतरी खावेसे वाटते. अशा स्थितीत काही खाल्ल्याने जास्त कॅलरीज शरीरात जातात. आता जर कोणी गरम पाणी आणि लिंबू-मध सेवन केले तर त्याचे शरीर हायड्रेटेड राहते आणि तहान लागत नाही. तहान लागत नसेल तर काहीही खावेसे वाटत नाही आणि अतिरिक्त कॅलरीज शरीरात जात नाहीत.

वजन कमी करण्यासाठी गरम पाण्यात लिंबू-मध प्यावे की नाही?
मध आणि लिंबू हे अँटिऑक्सिडंट्स आणि व्हिटॅमिन सीचे चांगले स्त्रोत आहेत, जे रोग प्रतिकारशक्ती वाढवू शकतात आणि आरोग्य राखू शकतात. पण वजन कमी करण्यासाठी किंवा चरबी जाळण्यासाठी त्याचे सेवन केल्यास फायदा होणार नाही. सोप्या भाषेत सांगायचे तर, कोणतेही डिटॉक्स पेय, डिटॉक्स वॉटर किंवा कोणतेही हर्बल पेय तुमचे वजन थेट कमी करू शकत नाही.

जर तुम्ही वजन कमी करण्याच्या उद्देशाने गरम पाण्यात लिंबू-मध मिसळून पीत असाल तर आम्ही असे न करण्याची शिफारस करतो. कारण वजन कमी करण्याशी त्याचा काहीही संबंध नाही. पण जर तुम्हाला मध लिंबूपाणीच्या इतर आरोग्यदायी फायद्यांसाठी तुमच्या आहारात याचा समावेश करायचा असेल तर त्याचे सेवन जरूर करा. वजन कमी करण्यासाठी व्यक्तीला आहारातील कॅलरीज कमी कराव्या लागतात, शारीरिक हालचाली वाढवाव्या लागतात, जमा झालेली चरबी कमी करण्यासाठी पुरेशी झोप घ्यावी लागते, मग वजन कमी करता येते.

मध लिंबू पाण्याचे फायदे

• लिंबू हे फायबर, पोटॅशियम, व्हिटॅमिन सी, व्हिटॅमिन बी 6, पेक्टिन आणि सायट्रिक ऍसिड सारख्या पोषक तत्वांचे पॉवरहाऊस आहे. सकाळी उठून पाणी पिणे चांगले मानले जाते.
• सकाळी उठून मध, लिंबू यांचे पाण्यासोबत सेवन केल्यास पचनशक्ती आणि एकूणच आरोग्य चांगले राहते.
• दररोज लिंबू पाणी प्यायल्याने शरीरातील जळजळ कमी होते आणि शरीराला हायड्रेट ठेवता येते.
• लिंबू शरीरातील विषारी पदार्थ बाहेर टाकण्यास देखील मदत करू शकते.