एकटेपणा आणि उदासीनता स्मोकिंग पेक्षाही भयंकर, शास्त्रज्ञांसमोर आली धक्कादायक माहिती…

पुणे : एकटेपणा आणि उदासीनता आपल्यासाठी किती धोकादायक ठरू शकतात, याचा आपल्याला अंदाज येत नाही. परंतु, आता एका अभ्यासात शास्त्रज्ञांसमोर एक अतिशय धक्कादायक माहिती आली आहे. तुम्हाला असे वाटेल की लठ्ठपणा, दारू पिणे आणि कोणत्याही प्रकारचे वाईट व्यसन यामुळे आयुष्य कमी होते आणि तुम्ही आजारी पडू शकता, परंतु तुम्हाला हे जाणून आश्चर्य वाटेल की यामुळे तुमच्या आरोग्याला जेवढे नुकसान होऊ शकते, तितकेच एकटे राहणे आणि उदासीनता यामुळेही होऊ शकते. संशोधकांच्या मते, आरोग्याच्या दृष्टीने ही चिंतेची बाब बनली आहे.

उदासीनता आणि एकटेपणा वाटणे धोकादायक
एजिंग-यूएसमध्ये प्रकाशित झालेल्या ताज्या लेखानुसार, कोणत्याही अँटी-एजिंग थेरपीसाठी एखाद्या व्यक्तीच्या शारीरिक आरोग्याइतकेच त्याच्या मानसिक आरोग्यावर लक्ष केंद्रित करणे आवश्यक आहे. यूएस आणि चिनी शास्त्रज्ञांसोबत डीप लाँगेव्हिटीच्या नेतृत्वाखालील आंतरराष्ट्रीय सहकार्यामध्ये, हे उघड झाले आहे की एकटे राहणे, उदासीन राहणे किंवा पुरेशी झोप न घेणे आयुष्य कमी करते.

नवीन संशोधनात असे आढळून आले आहे की एकाकी जीवन जगणे किंवा एकटेपणाची भावना तुम्हाला अपंगत्व, अगदी अकाली मृत्यूच्या जवळ आणते. एका अभ्यासानुसार, एकटेपणा आणि दुःखी वाटणे तुमच्या आरोग्यासाठी धोकादायक आहे. जे लोक एकटेपणा अनुभवतात, त्यांना खराब मानसिक आरोग्य, हृदयविकार यांची शक्यता असते.

म्हातारपणी जास्त त्रास
म्हातारपणी एकटेपणा वाटण्याचे आणखी एक कारण म्हणजे आपल्या जोडीदाराचा किंवा जवळच्या व्यक्तीचा मृत्यू आणि विशेष म्हणजे या वयात लोकांना नवीन मित्र बनवता येत नाहीत. एकटेपणाची भावना मुख्यतः जीवनातील उद्देशाच्या कमतरतेशी देखील संबंधित आहे. एकटेपणामुळे नकारात्मक विचार येतात आणि ते मानसिक नैराश्याला जन्म देतात. एकटेपणाचा सामना करणारे लोक नीट झोपू शकत नाहीत. चांगली झोप न मिळाल्याने ते स्ट्रोक, हृदयविकार तसेच मधुमेहाचे बळी ठरतात. संशोधनात असे आढळून आले आहे की जर तुम्हाला एकटेपणा वाटत असेल तर तुम्हाला कोणत्याही विषाणूजन्य आजाराची शक्यता जास्त असते. अनेकांना एकटं राहायला आवडतं, पण हा एकटेपणा तुमचं वय वाढल्यावर तुमच्यासाठी त्रासदायक ठरू शकतो.