पेशावर येथील मशिदीत आत्मघाती स्फोट, ४५ ठार; 65 जखमी

पाकिस्तानातील पेशावर येथील मशिदीत शुक्रवारच्या नमाजाच्या वेळी एका व्यक्तीने स्फोट करून स्वत:ला उडवले. या आत्मघातकी स्फोटात 45 जणांचा मृत्यू झाला आहे. तर ६५ हून अधिक जखमी झाले आहेत. जखमींना रुग्णवाहिकेतून लेडी रीडिंग रुग्णालयात नेण्यात आले. या दुर्घटनेनंतर घटनास्थळी किमान 15 रुग्णवाहिका हजर आहेत.

मशिदीत शुक्रवारच्या नमाजाच्या वेळी बॉम्बस्फोट झाल्याची घटना घडली. पेशावरमधील मशिदीत त्यावेळी गर्दी होती, अचानक गर्दीतील एका व्यक्तीने स्फोट करून स्वत:ला उडवले. स्फोटापूर्वी गोळीबाराचा आवाजही ऐकू आला होता. या स्फोटामागे कोणाचा हात आहे याची अधिकृत पुष्टी अद्याप झालेली नाही. पोलिसांचे पथक स्फोटाच्या ठिकाणी पोहोचले आहे. या परिसरात अनेक बाजारपेठा आहेत आणि हे ठिकाण सहसा शुक्रवारच्या नमाजाच्या वेळी खचाखच भरलेले असतात.