ब्रेकिंग! दक्षिण कोरियाच्या हवाई दलाच्या दोन ट्रेनर विमानांची धडक, तीन पायलट ठार

दक्षिण कोरियाच्या हवाई दलाच्या ट्रेनिंगदरम्यान दोन ट्रेनर विमानांची धडक झाली आहे. अधिकाऱ्यांनी सांगितले की, या अपघातात तीन पायलट ठार झाले असून अन्य काहीजण जखमी झाले आहेत.

मिळालेल्या माहितीनुसार, दक्षिण-पूर्व शहरातील साचॉनमधील KT-1 विमान तळाजवळ दुपारी 1:35 वाजता (0435 GMT) हा अपघात झाला. येथे हवाई दलाकडून तपासणी करण्यात येत आहे. अग्निशमन अधिकार्‍यांचा हवाला देऊन, योनहाप वृत्तसंस्थेने सांगितले की, तीन पायलट ठार झाले असून अन्य एक पायलट गंभीर जखमी झाला. अग्निशमन दलाच्या 30 हून अधिक जवानांनी आणि बचावकर्त्यांनी अपघाताच्या ठिकाणी मदत व बचतकार्य सुरू केले आहे.