सुशांतच्या मृत्यूच्या CBI चौकशीची मागणी सुप्रीम कोर्टाने फेटाळली

बॉलिवूड अभिनेता सुशांत सिंहच्या आत्महत्येची सीबीआय चौकशी करण्याची मागणी सर्वोच्च न्यायालयाने फेटाळली आहे.

अलका प्रिया नावाच्या तरुणीने याचिका दाखल केली होती. याचिका फेटाळताना सरन्यायाधीश शरद बोबडे यांनी सांगितलं, “पोलिसांना त्यांचं काम करु द्या. व्यक्ती चांगली होती की वाईट याचा याच्याशी काही संबंध नाही. जर तुमच्याकडे काही ठोस आहे तर मुंबई उच्च न्यायालयात जा,” असं सरन्यायाधीशांनी यावेळी सांगितलं. मुंबई पोलीस आणि बिहार पोलीस याप्रकरणी तपास करत आहेत.

सुशांतच्या मृत्यूचं नेमकं कारण अद्याप स्पष्ट झालेलं नाही. परिणामी या प्रकरणाची चौकशी आता सीबीआयकडे सोपवण्यात यावी, अशी विनंती सातत्याने केली जात आहे. मात्र ही विनंती गृहमंत्री अनिल देशमुख यांनी बुधवारी फेटाळली. सुशांत प्रकरणाची चौकशी मुंबई पोलीसच करतील, मुंबई पोलीस योग्य प्रकारे चौकशी करत आहेत. त्यामुळे या केसला सीबीआयकडे सोपवण्याची गरज नाही असं त्यांनी म्हटलं आहे.