एनसीबीचा सुशांतसिंह राजपूतच्या पवना लेक फार्महाऊसवर छापा

सुशांतसिंह राजपूत मृत्यूप्रकरणाच्या तपासात ड्रग्स अँगल समोर आल्यानंतर नारकोटिक्स कंट्रोल ब्यूरो (एनसीबी) ने तपासास सुरुवात केली. एनसीबी ने या प्रकरणात अनेक जणांना ताब्यात देखील घेतले आहे. एनसीबीच्या पथकाने सुशांतच्या पवना लेक फार्महाऊसवर छापा टाकला आहे.

एका हिंदी वृत्तवाहिनीने दिलेल्या वृत्तानुसार, एनसीबीच्या पथकाने सुशांतसिंह राजपूतच्या फार्महाऊसवर छापा टाकला. यावेळी त्यांना हुक्काची भांडी, काही औषधं, अॅश- ट्रे अशा बऱ्याच गोष्टी सापडल्या. सुशांतच्या जवळच्या मित्रांव्यतिरिक्त बॉलिवूडमधील अनेक सेलिब्रिटी तिथे पार्टी करायला जायचे. सुशांतसिंग राजपूत जेव्हा नैराश्याशी झगडत होता तेव्हा अनेक पार्ट्यांचं आयोजन करण्यात आलं होतं. यावेळी सुशांत स्टिरॉइड्स घ्यायचा अशी माहिती समोर आली आहे. सुशांत या जागेसाठी दरमहा अडीच लाख रुपये देत होता.