अभिनेत्री बिदिशाची गळफास लावून आत्महत्या, सुसाइड नोटमध्ये धक्कादायक माहिती…

मुंबई : २१ वर्षीय मॉडेल आणि अभिनेत्री बिदिशा डे मजूमदार ने गळफास लावून राहत्या घरी आत्महत्या केली. बुधवारी बिदिशाचा मृतदेह पोलिसांना गळफास लावलेल्या अवस्थेत मिळाला. या वृत्तामुळे बंगाली सिनेसृष्टीत खळबळ उडाली आहे.

बिदिशा चार महिन्यांपूर्वीच नगर बाजार येथे भाड्याच्या फ्लॅटमध्ये राहायला आली होती. तिथेच तिने आत्महत्या केली. बुधवारी संध्याकाळी पोलिसांना त्या घरातून बिदिशाचा मृतदेह लटकलेल्या अवस्थेत मिळाला. घराचं दार आतून बंद होतं, ज्यामुळे दार तोडून पोलिसांनी आत जावं लागलं. नंतर बिदिशाचा मृतदेह पोस्टमॉर्टमसाठी पाठवला. पोलिसांनी या प्रकरणाचा तपास सुरू केला असून त्यांना बिदिशाच्या घरातून एक सुसाईड नोटही सापडली आहे.

बिदिशाच्या मित्र-मैत्रिणींचे म्हणणे आहे की, ती तिच्या बॉयफ्रेंडमुळे डिप्रेशनमध्ये होती. बिदिशाची जवळची मैत्रीण दिया दास हिने पोलिसांना सांगितले की, ती डिप्रेशनमध्ये होती. बिदिशाचा प्रियकर अनुभवच्या आणखीन तीन प्रेयसी होत्या आणि त्यामुळे बिदिशा डिप्रेशनमध्ये होती. विशेष म्हणजे, अभिनेत्रीने आपल्या सुसाइड नोटमध्ये ती कर्करोगग्रस्त असल्याचंही लिहिलं आहे, पण तिला कोणताही कर्करोग नव्हता. पोलीस सध्या या संपूर्ण प्रकरणाचा तपास करत आहेत.