‘द काश्मीर फाइल्स’ ने माझा चित्रपटही बुडवला – अक्षय कुमार

मुंबई : दिग्दर्शक विवेक अग्निहोत्रीच्या नुकत्याच प्रदर्शित झालेल्या ‘द काश्मीर फाइल्स’ या चित्रपटाने अभिनेता अक्षय कुमार देखील प्रभावित झाला आहे. ‘द काश्मीर फाइल्स’ हा चित्रपट १९९० च्या दशकात काश्मिरी पंडितांच्या खोऱ्यातून निर्गमनावर आधारित आहे. एका अत्यंत हृदयद्रावक शोकांतिकेमागील सत्य समोर आणल्याबद्दल बॉलीवूड सुपरस्टार अक्षय कुमारने विवेक अग्निहोत्री यांचे कौतुक केले. आपल्या नुकत्याच प्रदर्शित झालेल्या बच्चन पांडे या चित्रपटाच्या व्यवसायातही या चित्रपटाने कसा अडथळा आणला आहे, याचीही त्याने खिल्ली उडवली.

विवेकने त्याच्या अधिकृत ट्विटर अकाऊंटवर शेअर केलेल्या एका क्लिपमध्ये, अक्षय म्हणाला, “काश्मीर फाइल्स देशात एका प्रचंड लाटेप्रमाणे आली, ज्याने आपल्या सर्वांना हादरवून सोडले. वो और बात है की मेरी पिक्चर को भी डुबा दिया (त्याने माझा स्वतःचा चित्रपटही बुडवला ही वेगळी गोष्ट आहे).

व्हिडिओवर प्रतिक्रिया देताना, विवेक म्हणाला, “#TheKashmirFiles साठी केलेल्या कौतुकाबद्दल अक्षय कुमारचे आभार.”

यापूर्वी, अक्षयने काश्मीर फाइल्सचा स्टार अनुपम खेर यांचे चित्रपटातील अविश्वसनीय कामगिरीबद्दल अभिनंदन केले होते. “काश्मीर फाइल्स मधील तुमच्या कामगिरीबद्दल अगदी अविश्वसनीय गोष्टी ऐकून प्रेक्षकांना मोठ्या संख्येने सिनेमागृहात परतताना पाहून आश्चर्य वाटले. लवकरच चित्रपट पाहण्याची आशा आहे. जय अंबे,” असे ट्विट अक्षयने केले होते.

‘काश्मीर फाईल्स’ काश्मिरी हिंदूंच्या निर्गमनावर आधारित या चित्रपटाने चित्रपट प्रदर्शित झाल्यापासून बॉक्स ऑफिस कलेक्शनमध्ये लक्षणीय वाढ केली आहे आणि दोन आठवड्यांच्या आत, विवेक अग्निहोत्री दिग्दर्शित या चित्रपटाने २०० कोटींच्या क्लबमध्ये प्रवेश केला आहे. या चित्रपटाने कोविडनंतर प्रदर्शित होणाऱ्या चित्रपटांसाठी एक नवा बेंचमार्क सेट केला आहे.