महिला कलाकारांनी माझं शोषण केलं; अभिनेत्यानं केला धक्कादायक खुलासा

मुंबई: अभिनेता अजफर रहमान नुकत्याच दिलेल्या मुलाखतीत त्यानं त्याच्या या प्रवासाविषयी सांगितलं तसेच अभिनय क्षेत्रात काम करताना आलेल्या चांगल्या वाईट अनुभवांबद्दलही अनेक खुलासे केले आहेत. मी टू चळवळीसारख्या विषयावरही त्यांनी भाष्य केलं.

अभिनेता अजफर रहमान म्हणाला कि , मी टू हा खूपच संवेदनशील विषय आहे. कोणत्याही व्यक्तीचं अशाप्रकारे शोषण होणं ही चुकीची गोष्ट आहे. सर्वांनाच जगण्याचा अधिकार आहे आणि प्रत्येकाने स्वतःला वाटतं तसं जगावं पण याचा अर्थ असा नाही होत की, तुम्ही त्यासाठी कोणावरही जबरदस्ती कराल. कोणत्याही व्यक्तीच्या परवानगीशिवाय तुम्ही त्या व्यक्तीकडून जबरदस्तीनं एखादी गोष्ट करून घेऊ शकत नाही. या मुलाखतीत अजफरनं त्याचंही शोषण झाल्याचा धक्कादायक खुलासा केला. अनेक पीडितांना त्यानं पाठिंबा दिला मात्र त्याच्या मते तो अशा अनेकांना ओळखतो ज्यांनी मी टू चळवळीचा उपयोग चुकीच्या पद्धतीनं केला आहे.

अजफर पुढे बोलताने म्हणाला कि मला नाही माहीत की सोशल मीडियावर एखाद्या व्यक्तीबद्दल खुलासा करणं कितपत योग्य आहे. पण एक पुरुष कलाकार असताना काही महिला सहकलाकारांनी माझं शोषण केलं आहे. मी या ठिकाणी कोणचंही नाव घेणार नाही. कारण आता अशा गोष्टींकडे मी दुर्लक्ष करायला शिकलो आहे. पण नेहमी स्त्रियाच बरोबर असतातच असं नाही. मी आणि माझ्यासोबत अनेक कलाकारांनी एका मर्यादेपलिकडे जाऊन काम करण्याची इच्छा होती. बॉलिवूडच्या काही भूमिकांसाठी मला ऑडिशन देण्यास सांगण्यात आलं. पण सर्व ऑडिशनमध्ये मला नकार मिळाला.