alcohol addict son killed bedridden father slits his throat.
पुणे : दारूच्या आहारी गेलेल्या मुलाने आपल्या आजारी वडिलांचा गळा चिरून त्यांची हत्या केली. त्यानंतर आरोपीने वडिलांचा मृतदेह कपड्यात गुंडाळून 36 तास घरात लपवून ठेवला. पुण्याच्या उरली कांचन भागातील टीपू वस्ती येथे ही धक्कादायक घटना घडली आहे. आरोपीचा आपल्या वडिलांशी दारू पिण्यावरून वाद झाला होता, त्यानंतर त्याने वडिलांची हत्या केली.
नईम रहीम शेख (वय 35) असे आरोपीचे नाव आहे. नईम हा एक ऑटो मेकॅनिक आहे. आरोपी आपली लहान बहीण आणि वडिलांबरोबर राहत होता. गंभीर आजारामुळे वडील अंथरुणाला खिळून होते. आरोपीची पत्नी त्याच्याबरोबर राहत नव्हती.
नागपूर हादरले! बदला घेण्यासाठी 15 वर्षीय मुलाचे अपहरण करून हत्या, काकाने केलं होतं गैरकृत्य…
मिळालेल्या माहितीनुसार, मंगळवारी रात्री उशिरा आरोपी दारू पिऊन घरी परतला. त्यानंतर, त्याचे दारू पिण्यावरून वडिलांशी भांडण झाले. रागाच्या भरात त्याने आपल्या वडिलांचा गळा दाबला आणि नंतर धारदार शस्त्राने गळा चिरून त्यांची हत्या केली. त्याने वडिलांचा मृतदेह कपड्यात गुंडाळून घरातच लपवून ठेवला होता आणि त्याच्या बहिणीला याबद्दल कोणालाही काहीही सांगू नको, अशी धमकीही दिली होती.
आरोपीने गुरुवारी कुटुंबातील सदस्यांना सांगितले की त्याच्या वडिलांचा आजारपणामुळे मृत्यू झाला आहे. ही बातमी ऐकताच आरोपीची पत्नी सासऱ्यांच्या अंत्यविधीसाठी आली. परंतु, तेथे आल्यानंतर तिला नणंदेने वडिलांच्या हत्येविषयी सांगितले, त्यानंतर तिने तात्काळ पोलिसांना या प्रकरणाची माहिती दिली. घटनेची माहिती मिळताच पोलिस घटनास्थळी दाखल झाले आणि तपास सुरू केला. दरम्यान, पोलिसांना नईम शेख याने वडिलांची हत्या केल्याचे समजताच त्यांनी आरोपीला ताब्यात घेतले आहे.
पर्ल पुरीने ‘त्या’ मुलीवर बलात्कार केल्याचा आरोप खरा, पीडितेच्या वडिलांनी केला मोठा खुलासा
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…