घर दाखवण्याच्या बहाण्याने शेजारी राहणाऱ्या महिलेवर बलात्कार, आरोपीस अटक

पालघर : घर दाखवण्याच्या बहाण्याने घरी घेऊन जात महिलेवर बलात्कार करणाऱ्या आरोपीला पोलिसांनी अटक केली आहे. आकाश विठ्ठल संकपाळ असं बलात्कार करणाऱ्या आरोपीचं नाव आहे. आकाश संकपाळ आणि पीडित महिला हे पालघरमधल्या नालासोपारा या ठिकाणी शेजारी राहतात. ते तीन वर्षांपासून एकमेकांना ओळखत होते. २९ वर्षीय महिलेचं लग्न झालेलं असून ती तिच्या पतीसह आरोपीच्या घराशेजारी राहते.

मिळालेल्या माहितीनुसार, आकाशने पीडित महिलेला घर दाखवण्यासाठी आपल्या घरी नेलं. तिथे तिच्यावर बलात्कार केला. तसेच तिचे अश्लील फोटोही काढले. त्यानंतर आकाशने तिला धमकी दिली की याबाबत कुठे काही बोलशील तर तुझे फोटो व्हायरल करेन आणि तुझ्या नवऱ्याला ठार मारेन. धामी देत आकाशने तिच्यावर अनेकवेळा बलात्कार केला. दरम्यान, पीडित महिलेने हा सगळा प्रकार आपल्या पतीला सांगितला. त्यानंतर दोघांनी पोलीस ठाण्यात जाऊन आकाशच्या विरोधात तक्रार दाखल केली. पोलिसांनी पीडितेच्या जबाबावरुन गुन्हा नोंदवून घेत आरोपी आकाशला अटक केली. पोलिसांनी आरोपीला न्यायालयात हजर केलं, त्यानंतर त्याची रवानगी पोलीस कोठडीत करण्यात आली आहे.