WhatsApp has brought great feature for the users
WhatsApp : इन्स्टंट मेसेजिंग अॅप व्हॉट्सऍपने मे महिन्यात अनेक भारतीय खाती बंद केली आहेत. ऍप नवीन आयटी नियमांनुसार दर महिन्याला अहवाल जारी करून त्याची माहिती शेअर करते. मे महिन्याच्या अहवालात व्हॉट्सऍपने म्हटले आहे की त्यांनी 1.9 दशलक्ष भारतीय खाती बंद केली आहेत. कंपनीच्या मार्गदर्शक तत्त्वांचे उल्लंघन केल्यामुळे या खात्यांवर बंदी घालण्यात आली आहे.
व्हॉट्सऍपच्या प्रवक्त्याने सांगितले की, कंपनीच्या या मासिक वापरकर्ता सुरक्षा अहवालात वापरकर्त्यांच्या तक्रारी आणि त्या तक्रारींवर व्हॉट्सऍपने केलेल्या कारवाईचाही उल्लेख आहे. मे महिन्यात ऍपवर एकूण 528 तक्रारी प्राप्त झाल्या असून 24 खात्यांवर कारवाई करण्यात आली आहे. यापैकी 303 तक्रारी बंदी घालण्यासाठी होत्या आणि इतर खाते समर्थन, उत्पादन समर्थन आणि सुरक्षिततेशी संबंधित होत्या.
व्हॉट्सऍपने १९ लाख खाती केली बंद
WhatsApp च्या नवीन अहवालात 1 मे 2022 ते 31 मे 2022 पर्यंतचा डेटा समाविष्ट आहे. प्रवक्त्याने सांगितले की, ‘IT नियम 2021 नुसार, आम्ही मे 2022 चा नवीनतम अहवाल जारी केला आहे. यासोबतच व्हॉट्सऍपने प्लॅटफॉर्मचा गैरवापर थांबवण्यासाठी अनेक पावले उचलली आहेत. मे महिन्यात 19 लाखांहून अधिक व्हॉट्सऍप खाती बंद करण्यात आली आहेत.
कंपनीने हे पाऊल का उचलले?
व्हॉट्सऍपच्या प्रवक्त्याने पुढे सांगितले की, आमच्या प्लॅटफॉर्मवर आमच्या वापरकर्त्यांना अधिक सुरक्षित वातावरण प्रदान करण्यासाठी आम्ही डेटा वैज्ञानिक आणि तज्ञांसह कृत्रिम बुद्धिमत्ता आणि इतर अत्याधुनिक तंत्रज्ञानामध्ये गुंतवणूक केली आहे.
एप्रिलमध्येही 16 लाख खाती बंद
यापूर्वी, व्हॉट्सऍपने एप्रिल महिन्यात 16 लाखांहून अधिक भारतीय खाती बंद केली होती. त्याच वेळी, मार्च महिन्यात 18.05 लाख खाती बॅन करण्यात आली होती. यूजर्सकडून मिळालेल्या नकारात्मक प्रतिक्रिया पाहता, खात्यांवर बंदी घालण्याची कारवाई करण्यात आली आहे.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…