मुंबई : मुंबईत उद्यापासून (१७ मे) शुक्रवार (२१ मे) पर्यंत सलग पाच दिवस दहा टक्के पाणीकपात केली जाणार आहे. मुंबईला पाणी पुरवठा करणाऱ्या पिसे बंधाऱ्यातील न्यूमॅटिक झडपांची तातडीने दुरुस्ती करायची आहे. त्यामुळे मुंबईकरांना पाणीकपातीचा त्रास सोसावा लागणार आहे.

भातसा धरणातून पिसे बंधाऱ्यात पाणी सोडले जाते. पिसे बंधाऱ्यातून पाणी शुद्धीकरण केंद्रात आणून त्याच्यावर प्रक्रिया केली जाते. हे पिण्यायोग्य केलेले पाणी मुंबईला पुरवले जाते. या प्रक्रियेत महत्त्वाची भूमिका बजावणाऱ्या पिसे बंधाऱ्यातील न्यूमॅटिक झडपांच्या दुरुस्तीच्या कामाचा प्रस्ताव स्थायी समितीने मंजूर केला आहे. दुरुस्तीच्या कामाची ऑर्डर निघाली आहे.

मुंबई मनपाने नागरिकांना आवाहन केले आहे की पाण्याचा आवश्यक तेवढा साठा करावा आणि पाण्याचा जपून वापर करावा, तसेच प्रशासनास सहकार्य करावे.

पिसे बंधाऱ्यावरील न्युमॅटिक झडपांच्या तातडीच्या दुरुस्तीमुळे
दिनांक १७ मे २०२१ ते २१ मे २०२१ दरम्यान मुंबईत १० टक्के पाणीकपात pic.twitter.com/iPCZcPMcIb

— माझी Mumbai, आपली BMC (@mybmc) May 15, 2021

The post मुंबईत उद्यापासून शुक्रवारपर्यंत पाच दिवस पाणीकपात appeared first on थोडक्यात घडामोडी.

मुंबई : मुंबई महापालिकेचे सहआयुक्त रमेश पवार पाणी समजून चुकून सॅनिटायझर प्यायले. मुंबई महापालिकेचे बजेट मांडले जात असतानाच ही घटना घडली आहे. त्यांची प्रकृती ठीक असून वेळीच प्रकार लक्षात आला.

मुंबई महापालिकेत आज बजेट सादर होत आहे. यावेळी अतिरिक्त आयुक्त आशुतोष सलील हे बजेट सादर करण्यासाठी उपस्थित राहणार होते, पण त्यांची तब्येत बरी नसल्याने सहआयुक्त रमेश पवार हे सभागृहात उपस्थित राहिले. शिक्षण समिती अध्यक्ष संध्या दोशी सभागृहात आल्यानंतर मुंबई महापालिकेच्या शिक्षण विभागाचे 2021-22 चे वार्षिक अंदाजपत्रक शिक्षण समिती अध्यक्षांकडे सुपूर्त करण्यात आले. हे बजेट वाचण्यासाठी रमेश पवार आपल्या खुर्चीवर बसले. त्यांच्यासमोर एक सैनिटायझरची बॉटल आणि एक पाण्याची बॉटल होती. परंतु त्यांनी चुकून यातील सॅनिटायझरची बॉटल घेतली आणि ते सॅनिटायझर प्यायले. ही चूक तात्काळ त्यांच्या लक्षात आली. त्यानंतर त्यांना तातडीने पाणी देण्यात आलं.

The post मुंबई महापालिकेचे सहआयुक्त रमेश पवार पाणी समजून प्यायले सॅनिटायझर appeared first on थोडक्यात घडामोडी.