उत्तराखंड : उत्तराखंडमध्ये सोमवारी रात्री अतिशय मोठी दुर्घटना घडली आहे. टनकपूर-चंपावत महामार्गाला जोडलेल्या सुखीधांग-डांडामीनार रस्त्यावर भीषण अपघात झाला. मिळालेल्या माहितीनुसार, मॅक्स या गाडीमध्ये बसलेले सर्व लोक टनकपूरच्या पंचमुखी धर्मशाळेत झालेल्या लग्नात सहभागी होऊन घरी परतत होते. मात्र, काल रात्री 3.20 च्या सुमारास मॅक्स गाडी अनियंत्रितपणे खोल दरीत कोसळली.

दरम्यान, स्थानिक लोकांच्या म्हणण्यानुसार, पहाटे वाहन चालकाचा वाहनाचा तोल गेला, त्यामुळे वाहन दरीत कोसळले. अपघाताची माहिती मिळताच पोलीस आणि बचाव पथक घटनास्थळी पोहोचले. आतापर्यंत 14 मृतदेह बाहेर काढण्यात आले आहेत. सध्या घटनास्थळी बचावकार्य सुरू आहे. हा अपघात बुडामपासून तीन किलोमीटर पुढे झाल्याचे सांगण्यात येत आहे. 16 पैकी 14 जणांचा मृत्यू झाल्याची पुष्टी झाली आहे. सर्व 14 मृतदेह बाहेर काढण्यात आले असून काहींची ओळख पटली आहे. मृतांमध्ये चार महिला आणि एका पाच वर्षांच्या मुलीचाही समावेश आहे. तर अपघातात गंभीर जखमी झालेला चालक व अन्य एकावर जिल्हा रुग्णालयात उपचार सुरू आहेत.

मृत व्यक्ती काकनई येथील दांडा आणि काथोटी गावातील आहेत. अपघाताचे कारण अद्याप समजू शकलेले नाही. पोलीस या प्रकरणाचा तपास करत आहेत. मॅक्समध्ये क्षमतेपेक्षा अधिक प्रवासी असल्यामुळे हा अपघात झाल्याची शक्यता वर्तवण्यात येत आहे. दरम्यान, आपत्ती व्यवस्थापन विभागाकडून मिळालेल्या माहितीनुसार, मृतदेहांची अवस्था बघता घटनास्थळीच मृतदेहांचे शवविच्छेदन करण्याची व्यवस्था करण्यात येत आहे.

The post वाहन दरीत कोसळून झालेल्या भीषण अपघातात 14 जणांचा मृत्यू, मृतदेहांची अवस्था बघता घटनास्थळीच करणार शवविच्छेदन appeared first on थोडक्यात घडामोडी.

ठाणे : दंड न भरल्यास 1 डिसेंबरपासून विशेष मोहीम राबवून गाड्यांवर कारवाई करण्यात येणार आहे. वाहतूक पोलिसांनी या वर्षभरात इलेक्ट्रॉनिक पद्धतीने दंडात्मक चलान फाडून जवळपास 22 कोटी रुपयांची चलान फाडले आहेत. त्यात जवळपास 13 कोटी रुपयांची वसुली झाली नसून आता ती रक्कम भरण्यासाठी चालकांना दहा दिवसांची मुदत देण्यात आली आहे.

गाड्या ताब्यात घेण्यापासून ते गाडी परवाना निलंबनाचीही कारवाई करण्याचा इशारा वाहतूक शाखेचे उपायुक्त बाळासाहेब पाटील यांनी दिला आहे. त्याचबरोबर पत्रिपूलाच्या गर्डर लॉन्चिंगसाठी चार दिवस घेण्यात येणाऱ्या मेगाब्लॉकमध्ये वाहतुकीचे नियमन करण्यात येणार असल्याचंही पाटील यांनी सांगितलं. वाहतूक नियमांचे उल्लंघन केल्या प्रकरणी कारवाईचा आकडा मोठा असला तरी वाहन चालक दंडच भरत नाहीत. त्यामुळे दंडाची थकबाकी वसूल करण्यासाठी वाहतूक शाखेने प्रयत्न सुरु केले आहेत. येत्या दहा दिवसांमध्ये प्रलंबित असलेल्या ई चलानची रक्कम भरण्याची मुदत चालकांना देण्यात आली आहे.

The post दंड न भरल्यास गाड्या होणार जप्त, वाहतूक शाखेकडून इशारा appeared first on थोडक्यात घडामोडी.