टोकियो ऑलिम्पिक : कुस्तीपटू रवी दहियाने टोकियो ऑलिम्पिकमध्ये भारताचे चौथे पदक निश्चित केले आहे. त्याने बुधवारी 57 किलो वजनी गटातील उपांत्य फेरीत कझाकिस्तानच्या नुरिस्लाम सनायेवचा पराभव केला, पण सामना संपल्यानंतर या सामन्याचा एक व्हिडिओ सोशल मीडियावर झपाट्याने व्हायरल झाला आहे.

कझाक कुस्तीपटू नुरिस्लाम याने सामन्यादरम्यान कुस्तीपटू रवीच्या हातामध्ये दात घुसवले आणि तो रवीला चावताना दिसत आहे. सामन्याच्या सुरुवातीला नुरिस्लामने रवीवर 10-2 अशी आघाडी घेतली. त्याला वाटू लागले होते की तो रवीला सहज पराभूत करेल. परंतु, काही काळानंतर रवीने दमदार पुनरागमन केले आणि नूरीस्लामला पराभूत केले. सामन्याच्या शेवटच्या ६० सेकंदात, रवीच्या डावामुळे घाबरलेल्या नुरिस्लामने रवीच्या हातामध्ये दात घुसवून त्याला जोरदार चावा घ्यायला सुरुवात केली, पण रवीने हा त्रास सहन केला आणि आपली पकड ढिली पडू दिली नाही आणि नुरिस्लामला हरवत हा सामना जिंकला. सामना संपल्यानंतर रवीने रेफरीला हात दाखवत याबाबत सांगितले.

रवीचा अंतिम सामना गुरुवारी होईल, जिथे रवी सिल्वर किंवा गोल्ड मेडलसाठी सामना खेळणार आहे. रवी उपांत्य फेरीत 8 गुणांनी पिछाडीवर होता. तो हरेल असे वाटत असतानाच 1 मिनिट शिल्लक असताना रवीने कझाक कुस्तीपटूला सामन्यातून बॅड केले. त्याला विक्ट्री बाय फॉल रूलनुसार विजेता घोषित करण्यात आले.

विक्ट्री बाय फॉल रूलनुसार विजय म्हणजे काय?
रवीने कझाक पैलवानाला चित करत सामना जिंकला. आंतरराष्ट्रीय कुस्तीमध्ये याला व्हिक्टरी बाय फॉल असे म्हणतात. जेव्हा एखादा पैलवान प्रतिस्पर्ध्याला चित करत त्याचे दोन्ही खांदे मॅटवर टेकवतो, तेव्हा त्याला विक्ट्री बाय फॉल रूलनुसार विजय म्हणतात. ऑलिम्पिक स्तरावर विशेषतः उपांत्य फेरीत असे विजय दुर्मिळ असतात. रवीने नूरीस्लामला चित केले तेव्हा रवी 7-9 ने मागे होता. अधिकृत स्कोअर 7-9 राहिला, परंतु प्रतिस्पर्ध्याला चित केल्याने रवीला तात्काळ विजय मिळाला.

The post कझाकिस्तानचा खेळाडू कुस्तीपटू रवी दहियाच्या हाताला कडाडून चावला, तरीही रवीने पकड ढिली पडू दिली नाही appeared first on थोडक्यात घडामोडी.

टोकिओ : ऑलिंपिकला सुरुवात होण्यास फक्त १० आठवड्यांचा कालावधी शिल्लक आहे. मात्र जपानमध्ये कोरोना रुग्णांची संख्या सातत्याने वाढत असल्यामुळे देशातील नागरिकांनी ऑलिंपिक आयोजनाच्या विरोधात भूमिका घेतली आहे. त्यातच आता जपानमधील डॉक्टरांच्या एका मोठ्या असोसिएशनने ऑलिंपिक स्पर्धा रद्द करण्याची मागणी केली आहे. याआधी आरोग्य कर्मचारी आणि स्वयंसेवकांनी देखील कोरोना संसर्गामुळे ही स्पर्धा रद्द करण्याची मागणी केली होती.

जपानची राजधानी टोकिओमध्ये काम करणाऱ्या ६ हजार डॉक्टरांच्या असोसिएशनने म्हटले आहे की, आपण कोरोनाच्या चौथ्या लाटेचा सामना करत आहोत. त्यांच्या मते ही आतापर्यंतची सर्वात मोठी लाट आहे. डॉक्टरांच्या या संघटनेने इशारा दिला की, अशा प्रकारच्या आयोजनामुळे कोरोनाचे संक्रमण आणि मृतांचा आकडा वाढू शकतो. त्यामुळे स्पर्धा रद्द करणे हाच योग्य मार्ग असेल. डॉक्टरांच्या असोसिएशनने सरकार आणि ऑलिंपिक समितीली विनंती केली आहे की त्यांनी आंतरराष्ट्रीय ऑलिंपिक समितीशी चर्चा करून ही स्पर्धा रद्द करण्याबाबत विचार करावा.

काही दिवसांपूर्वी जपानमधील एका दैनिकाने घेतलेल्या सर्व्हे मध्ये ८० टक्क्यांहून अधिक लोकांनी ऑलिंपिकच्या आयोजनाला विरोध केला होता. पण ऑलिंपिक समितीच्या अधिकाऱ्यांनी कोरोना संदर्भात योग्य ती उपाय योजना करून स्पर्धेचे आयोजन करता येऊ शकते, असे म्हटले. त्यांना अशी आशा आहे की काही विदेशी खेळाडूंसह मोजक्या स्पर्धांचे आयोजन होऊ शकेल.

The post टोकिओ ऑलिंपिक सुरु होण्यास फक्त १० आठवडे, डॉक्टरांच्या असोसिएशनने केली ‘ही’ विनंती appeared first on थोडक्यात घडामोडी.