नवी दिल्ली : भारतात येत्या सहा ते आठ आठवड्यांत कोरोनाची तिसरी लाट दाखल होऊ शकते. कोरोनाची तिसरी लाट रोखणं अशक्य असल्याचं मत ‘ऑल इंडिया इंस्टिट्यूट ऑफ मेडिकल सायन्स’चे (AIIMS) प्रमुख डॉक्टर रणदीप गुलेरिया यांनी व्यक्त केले आहे.

एम्सचे प्रमुख रणदीप गुलेरिया म्हणाले कि, “देशभरात अनलॉकची प्रक्रिया सुरू आहे. त्यामुळे पुन्हा नागरिकांनी कोविडसंबंधी  काळजी घेणं कमी केलं असून नियम पाळण्याचा अभाव दिसून येत आहे. पहिल्या आणि दुसर्‍या लाटेदरम्यान जे घडले, त्यातून आपण काहीही धडा घेतला नसल्याचे सध्याच्या परिस्थितीतून दिसून येत आहे. पुन्हा गर्दी वाढत आहे, लोक जमा होत आहेत. असं सुरु राहील तर देशात काही दिवसांतच कोरोना रुग्णांच्या संख्येत वाढ होईल.”

डॉ. गुलेरिया पुढे म्हणाले कि, “तिसरी लाट अपरिहार्य आहे, ती रोखणं अशक्य असून अशीच परिस्थिती राहिली तर पुढील सहा ते आठ आठवड्यांत कोरोनाची तिसरी लाट देशात दाखल होऊ शकते. कदाचित त्यापेक्षा थोडा अधिकही वेळ लागू शकतो. हे कोविड नियम आपण कशा पद्धतीने हाताळतो आणि गर्दीपासून वाचण्याचा कसा प्रयत्न करतो, त्यावर अवलंबून आहे.”

ते पुढे म्हणाले, “आता पसरत असलेला डेल्टा व्हॅरिएंट अधिक संसर्गजन्य आहे. त्यामुळे वेगाने प्रसार होण्याची शक्यता आहे. व्हायरस अजूनही उत्परिवर्तन करीत आहे, आपण सावधगिरी बाळगणे आवश्यक आहे. नवीन लाटांमधील काळ कमी होत आहे आणि हे अतिशय चिंताजनक आहे.”

डॉ. रणदीप गुलेरिया यांनी यावेळी कोव्हिशिल्ड लशीच्या दोन डोसमधील अंतर वाढवण्याचा निर्णय चुकीचा म्हणता येणार नाही, कारण यामुळे जास्तीत जास्त लोकांचा जीव वाचवला जाऊ शकतो, असं मत व्यक्त केलं. आत्तापर्यंत देशातील ५ टक्के लोकसंख्येला कोरोना लसीचे दोन डोस देण्यात आले आहेत. या वर्षीच्या शेवटपर्यंत देशातील १०८ कोटी लोकसंख्येचं लसीकरण करणं, हे सरकारचं लक्ष्य असून एक मोठं आव्हान आहे.

The post बापरे! कोरोनाची तिसरी लाट रोखणं अशक्य, AIIMS प्रमुख रणदीप गुलेरिया म्हणाले… appeared first on थोडक्यात घडामोडी.

मुंबई : देशात कोरोनाच्या तिसऱ्या लाटेच्या दृष्टीनं केंद्र सरकार आणि राज्य सरकारांकडून अनेक उपाययोजना आखल्या जात आहेत. तसेच तिसऱ्या लाटेत लहान मुलांना असणारा धोका लक्षात घेऊन त्या दृष्टीकोनातून अनेक गोष्टींकडे विशेष लक्ष दिले जात आहे. त्या पार्श्वभूमीवर केंद्र सरकारने आता लहान मुलांवरील कोरोना उपचारासाठी नव्या गाईडलाइन्स जारी केल्या आहेत.

केंद्र सरकारने जारी केलेल्या गाईडलाइन्समध्ये स्पष्ट करण्यात आलं आहे की, कोरोनाबाधित मुलांना अँटीव्हायरल रेमडेसिवीर इंजेक्शन देऊ नये. या गाईडलाइन्समध्ये लहान मुलांची शारीरिक क्षमता तपासण्यासाठी 6 मिनिटांची वॉक टेस्ट घेण्याचाही सल्ला देण्यात आला आहे. तसेच कोरोनाबाधित मुलांवर उपचार करताना त्यांना स्टिरॉईड्स देणं टाळण्याच्या सूचना देण्यात आल्या आहेत.

आरोग्य मंत्रालयानं जारी करण्यात आलेल्या गाईडलाइन्समध्ये स्पष्ट केलं आहे की, आवश्यकतेनुसार केवळ गंभीर रुग्णांनाच स्टिरॉइड देण्यात यावं.

• मुलांच्या हाताच्या बोटाला ऑक्सिमीटर लावून त्यांना 6 मिनिटांसाठी फिरण्यास सांगावं. यादरम्यान, त्यांचं सॅच्युरेशन 94 हून कमी आलं, तर त्यांना श्वास घेण्यास त्रास होत असल्याचं निष्पन्न होईल. या आधारावर मुलांना रुग्णालयात दाखल करण्याचा निर्णय घेतला जाऊ शकतो.
• ज्या मुलांना अस्थमा आहे. त्यांच्यासाठी या वॉक टेस्टचा सल्ला देण्यात आलेला नाही,
• जर एखाद्या रुग्णास कोरोनाची तीव्र लक्षणं आढळून आली तर अजिबात उशीर न करता ऑक्सिजन थेरपी सुरु केली जावी.
• सामान्य रूग्णांसाठी अँटीमाइक्रोबियल्स वापरण्यास स्पष्टपणे मनाई केली आहे. कोरोनाची मध्यम आणि गंभीर लक्षणे असलेल्या रुग्णांना आवश्यक असल्यास ही औषधे दिली जाऊ शकतात.
• कोणतीही लक्षणे नसलेल्या मुलांना कोणतेही औषध न देण्याचा सल्ला देण्यात आला आहे.
• मास्कचा वापर करावा आणि पौष्टिक अन्न खाण्यास सांगितले आहे.
• मुलांना ताप आणि खोकला असल्यास पॅरासिटामोल गोळ्या देता येतील आणि कोमट पाण्याने गुळण्या करण्यास सांगितले आहे.

The post लहान मुलांवरील कोरोना उपचारासाठी नव्या गाईडलाइन्स जारी, ‘ही’ औषधे टाळण्याच्या सूचना appeared first on थोडक्यात घडामोडी.

मुंबई : कोरोनाची तिसरी लाट लहान मुलांसाठी घातक असणार असल्याचा वैद्यकीय तज्ज्ञांचा अंदाज आहे. त्या अनुषंगाने राज्यात बालरोग तज्ज्ञांची टास्कफोर्स तयार करणार असल्याची माहिती मुख्यमंत्री उद्धव ठाकरे यांनी दिली. कोरोनाची लागण लहान मुलांमध्ये होत असल्याच्या प्रमाणात वाढ झाल्याचे निदर्शनास येत असून तिसऱ्या लाटेबाबत दिलेली पूर्वसूचना लक्षात घेता राज्यात बालरोग तज्ञांचा टास्क फोर्स करण्यात येणार असल्याचं आरोग्य मंत्री राजेश टोपे यांनीही सांगितलं.

कोरोनाची लागण लहान मुलांमध्ये होत असल्याच्या प्रमाणात वाढ झाल्याचे निदर्शनास येत असून तिसऱ्या लाटेबाबत दिलेली पूर्वसूचना लक्षात घेता राज्यात बालरोग तज्ञांचा टास्क फोर्स करण्यात येणार आहेत.

— Rajesh Tope (@rajeshtope11) May 7, 2021

राज्यात कोरोनाची दुसरी लाट सुरु आहे. अशातच तिसऱ्या लाटेची देखील पूर्वसूचना मिळाली आहे. हा धोका लक्षात घेऊन त्याच्या प्रतिबंधासाठी शासनाने पावले उचलली आहेत. विशेष करून लहान मुलांमधील संसर्गाचे प्रमाण लक्षात घेता त्यांच्या उपचारासाठी बालरोग तज्ञांचा टास्क फोर्स तातडीने केला जाईल, असे टोपे यांनी सांगितले. या माध्यमातून लहान मुलांची काळजी आणि उपचार घेण्यासाठी टास्क फोर्स काम करेल. रुग्णालयातील खाटांची संख्या वाढविणे, बालकांसाठीचे व्हेंटीलेटर्स, एनआयसीयुमधील बेडस् यांची तयारी करण्यात येत असून या सुविधा वाढविण्यावर भर दिला जात आहे.

महाराष्ट्र लसीकरणात देशात आघाडीवर आहे. १८ ते ४४ वयोगटातील नागरिकांना लसीकरणासाठी पुरेशी लस उपलब्ध नसल्याने लसीकरणाला म्हणावा तसा वेग आला नाहीये. या वयोगटातील सहव्याधी असलेल्या नागरिकांना प्राधान्याने लस देण्याबाबत मुख्यमंत्री महोदयांशी चर्चा करणार असल्याचे टोपे यांनी सांगितले. महाराष्ट्रात रशियातील स्पुटनिक लस उपलब्ध व्हावी यासाठी रशीयन डायरेक्ट इन्व्हेस्टमेंट फंड (आरडीआयएफ) यांच्याशी या लसीच्या दराबाबत बोलणी सुरू आहे.

The post कोरोनाचा लहान मुलांमध्ये वाढता संसर्ग लक्षात घेता राज्यात बालरोग तज्ज्ञांचा टास्कफोर्स appeared first on थोडक्यात घडामोडी.

महाराष्ट्रात एका आठवड्यापासून कोरोनाचे नवीन रुग्ण आढळण्याच्या गतीमध्ये 200% वाढ झाली आहे. याच कारणामुळे 7 दिवसांपासून कोरोना सक्रिय प्रकरणांची संख्या सातत्याने वाढत आहे. या आकडेवारीवरून स्पष्ट झाले आहे की महाराष्ट्र राज्य कोरोनाच्या तिसर्‍या लाटेच्या उंबरठ्यावर उभे आहे. जर ही परिस्थिती वेळेत नियंत्रणात आणली नाही, तर परिस्थिती आणखी बिघडू शकते.

गुरुवारी राज्यात विक्रमी 5,427 नवीन रुग्ण आढळले. 4 डिसेंबरनंतर पहिल्यांदाच राज्यात एका दिवसात 5 हजाराहून अधिक नवीन रूग्ण भेटले आहेत. राज्यात आतापर्यंत 20 लाख 81 हजार 520 लोकांना लागण झाली आहे. यापैकी 19 लाख 87 हजार 804 लोक बरे झाले आहेत, तर 51 हजार 669 रुग्णांचा मृत्यू झाला आहे. तेथे 40 हजार 858 रूग्णांवर उपचार सुरू आहेत.

महाराष्ट्रात वाढत्या कोरोना रुग्नांची संख्या लक्षात घेता, अमरावतीत दर शनिवारी रात्री 8 पासून ते सोमवारी सकाळी ७ वाजेपर्यंत लॉकडाऊन असणार आहे. अकोल्यात दर रविवारी लॉकडाऊन असेल. त्याचबरोबर यवतमाळमध्येही निर्बंध वाढविण्यात आले आहेत. येथे 28 फेब्रुवारीपर्यंत सर्व शाळा व महाविद्यालये बंद ठेवण्याचा निर्णय घेण्यात आला आहे. तसेच रेस्टॉरंट, फंक्शन हॉलमध्ये केवळ 50% लोक येऊ शकतील. 5 पेक्षा अधिक लोकांना एकत्रित येण्यास प्रतिबंध असेल.

The post भयंकर : महाराष्ट्र कोरोनाच्या तिसर्‍या लाटेच्या उंबरठ्यावर appeared first on थोडक्यात घडामोडी.