सांगली : राज्याचे जलसंपदा मंत्री व राष्ट्रवादी काँग्रेसचे प्रदेशाध्यक्ष जयंत पाटील यांना कोरोनाची लागण झाली आहे. त्यांनी त्यामुळं राष्ट्रवादी काँग्रेसची संवाद यात्रा तात्पुरती स्थगित केली जाण्याची शक्यता आहे.

जयंत पाटील यांनी ट्विट करत म्हटलं कि, ‘माझी कोरोना चाचणी पॉझिटिव्ह आली आहे मात्र तब्येत उत्तम आहे. काळजी करण्यासारखे काही नाही. डॉक्टरांचा योग्य सल्ला घेत आहे, लवकरच प्रत्यक्षात आपल्या सेवेत रुजू होईल. आपण माझ्या संपर्कात आले असल्यास, आपली करोना चाचणी करून घ्यावी,’ अशी विनंती त्यांनी केली आहे. ‘जितकं कामकाज व्हर्च्युअली करणे शक्य होईल, सध्या तितके करण्याचा प्रयत्न करतो आहे.’

माझी कोरोना चाचणी पॉझिटिव्ह आली आहे मात्र तब्येत उत्तम आहे, काळजी करण्यासारखे काही नाही. डॉक्टरांचा योग्य सल्ला घेत आहे, लवकरच प्रत्यक्षात आपल्या सेवेत रुजू होईल. आपण माझ्या संपर्कात आले असल्यास, आपली कोरोना चाचणी करून घ्यावी अशी विनंती करतो.

— Jayant Patil (@Jayant_R_Patil) February 18, 2021

राष्ट्रवादी काँग्रेसच्या संवाद यात्रेच्या निमित्तानं जयंत पाटील हे अनेक दिवसांपासून राज्यभर फिरत आहेत. आतापर्यंत त्यांनी विदर्भ, मराठवाडा व उत्तर महाराष्ट्रातील जिल्ह्यांचे दौरे केले आहेत. पदाधिकाऱ्यांच्या भेटीगाठी घेणे, त्यांच्याशी संवाद साधणे असा त्यांचा कार्यक्रम होता. या दौऱ्यात त्यांचा अनेकांशी संपर्क आला होता.

The post जयंत पाटील यांना कोरोनाची लागण appeared first on थोडक्यात घडामोडी.

हिटमॅन रोहित शर्मा क्वारंटाईन पिरियड संपवून नुकताच भारतीय संघातील खेळाडूंमध्ये सहभागी झाली आहे. तसेच त्याने शुक्रवारपासून तिसऱ्या कसोटी सामन्यासाठी सराव सुरु केला आहे.

निवड समितीने तिसऱ्या कसोटी सामन्यापूर्वी एक महत्त्वपूर्ण निर्णय घेतला आहे. ऑस्ट्रेलियाविरुद्धच्या चार कसोटी सामन्यांच्या मालिकेतील दोन सामने खेळवण्यात आले असून दोन्ही संघांनी त्यापैकी प्रत्येकी एक-एक सामना जिंकला आहे. उर्वरित दोन्ही कसोटी सामन्यांमध्ये रोहित शर्मा भारतीय संघाचा उपकर्णधार असेल. तर अजिंक्य रहाणे दोन्ही सामन्यांमध्ये भारतीय संघाचं नेतृत्व करेल.

भारतीय क्रिकेट नियामक मंडळाने (BCCI) नुकतंच एक परिपत्रक जारी केलं आहे, त्यात म्हटलं की, रोहित शर्माकडे ऑस्ट्रेलियाविरुद्धच्या दोन कसोटी सामन्यांसाठी उपकर्णधारपद देण्यात आलं आहे.

दरम्यान, शुक्रवारी बीसीसीआयने त्यांच्या अधिकृत ट्विटर हँडलवर रोहित शर्माचे सराव करतानाचे दोन फोटो शेअर केले होते. सोबत दिलेल्या कॅप्शनमध्ये बीसीसीआयने म्हटलं होतं की, इंजिन स्टार्ट होतंय आणि जे पुढे होणार आहे त्याची ही छोटी झलक आहे.

The post रोहित शर्मा उर्वरित कसोटी सामन्यांमध्ये असेल भारतीय संघाचा उपकर्णधार appeared first on थोडक्यात घडामोडी.