मुंबई : मराठी रंगभूमी आणि चित्रपटसृष्टीचा रूबाब वागवणारा, चतुरस्र अभिनेता गमावल्याची भावना व्यक्त करून मुख्यमंत्री उद्धव ठाकरे यांनी ज्येष्ठ अभिनेते श्रीकांत मोघे यांना श्रद्धांजली अर्पण केली आहे. मोघे यांच्या निधनामुळे कला क्षेत्राला मार्गदर्शकाची उणीव भासत राहील, असेही मुख्यमंत्र्यांनी म्हटले आहे.

मुख्यमंत्री उद्धव ठाकरे शोकसंदेशात म्हणतात, मराठी रंगभूमी आणि चित्रपटसृष्टीत अधिराज्य गाजवणाऱ्या कलाकारांपैकी ज्येष्ठ अभिनेते श्रीकांत मोघे होते. करारी चेहरा, बुलंद आवाज आणि भारदस्त व्यक्तिमत्व यातून मोघे यांनी अजरामर व्यक्तिरेखा साकारल्या. वैविध्यपूर्ण अशा भूमिका ताकदीने निभावतानाच त्यांनी माणूस म्हणूनही वेगळी ओळख निर्माण केली.या दोन्ही क्षेत्रांतील नव्या पिढीसमोर त्यांनी आपल्या अभिनयाचा आदर्श ठेवला.  ते दिलखुलास होते. परखड मतांचे आणि सामाजिक बांधिलकीची जाणीव ठेवून काम करणारे कलावंत होते. त्यांच्या निधनामुळे कला क्षेत्राला एक चतुरस्र अभिनेता आणि मार्गदर्शकाची उणीव निश्चितच भासत राहील. ज्येष्ठ अभिनेते श्रीकांत मोघे यांना भावपूर्ण श्रद्धांजली.

मराठी रंगभूमी व चित्रपट सृष्टीचा रूबाब वागवणारा चतुरस्र अभिनेता गमावल्याची भावना व्यक्त करून मुख्यमंत्री उद्धव बाळासाहेब ठाकरे यांनी ज्येष्ठ अभिनेते श्रीकांत मोघे यांना श्रद्धांजली अर्पण केली. मोघे यांच्या निधनामुळे कला क्षेत्राला मार्गदर्शकाची उणीव भासत राहील, असेही ते म्हणाले.

— CMO Maharashtra (@CMOMaharashtra) March 6, 2021

The post रंगभूमी, चित्रपट सृष्टीने मार्गदर्शक, चतुरस्र अभिनेता गमावला – मुख्यमंत्री उद्धव ठाकरे appeared first on थोडक्यात घडामोडी.

पुणे : ज्येष्ठ अभिनेते श्रीकांत मोघे यांचं आज वृद्धापकाळाने निधन झालं. वयाच्या 91 व्या वर्षी त्यांनी पुण्यातील राहत्या घरी त्यांनी अखेरचा श्वास घेतला. ते नाटय़, चित्रपट आणि दूरचित्रवाणी अभिनेता होते. त्याशिवाय ते चित्रकार आणि वास्तुविशारद होते. तसेच उत्तम सुगम संगीत गायकही होते.

श्रीकांत मोघे यांचे दहावीपर्यंतचे शिक्षण किर्लोस्करवाडी येथे आणि इंटरपर्यंतचे महाविद्यालयीन शिक्षण सांगलीत विलिंग्डन कॉलेजात झाले. बी.एस्‌‍सी साठी ते पुण्याच्या स.प.कॉलेजात आले. पुढे मुंबईला जाऊन त्यांनी बी.आर्च. ही पदवी घेतली. शाळेत असतानाच ते नाट्य अभिनयाकडे वळले. श्रीकांत मोघे यांनी आतापर्यंत 60 हून अधिक नाटकांत आणि 50 हून अधिक चित्रपटांत कामे केले. पुलं यांच्यासोबत ते जवळपास 50 वर्षे ते कार्यरत होते.

अतिशय कमी वयापासूनच कलाविश्वाळी नातं जोडलेल्या श्रीकांत मोघे यांच्या जाण्यानं अनेकांनीच हळहळ व्यक्त केली आहे. चाहते आणि कलाकार मंडळी या नटश्रेष्ठाला आपल्या परिनं श्रद्धांजली वाहत आहेत.

The post ज्येष्ठ अभिनेते श्रीकांत मोघे यांचं निधन appeared first on थोडक्यात घडामोडी.