IPL 2021 : यंदाच्या आयपीएलमध्ये भारतीय खेळाडूंनी जबरदस्त कामगिरी केली आहे. सर्वाधिक धावा करणाऱ्या खेळाडूंच्या यादीत पहिले तीन तीन भारतीय खेळाडू असून गोलंदाजांच्या यादीत पहिले पाच भारतीय खेळाडू आहेत. यंदा चेन्नईकडून खेळणाऱ्या ऋतुराज गायकवाडवर सर्वांचे लक्ष होते, त्याने सर्वांच्या अपेक्षा पूर्ण करत धमाकेदार कामगिरी केली आहे.

ऋतुराज सर्वाधिक धावा करणाऱ्या खेळाडूंच्या यादीत दुसऱ्या क्रमांकावर आहे. आयपीएल 2021 मध्ये सर्वाधिक 626 धावा पंजाबचा कर्णधार केएल राहुलने केल्या आहेत, सध्या त्याच्याकडे ऑरेंज कॅप आहे. तर 603 धावा बनवून ऋतुराज दुसऱ्या क्रमांकावर आहे. ऑरेंज कॅप मिळवण्यासाठी ऋतुराजला केवळ 23 धावांची गरज आहे. अंतिम सामन्यात तो ऑरेंज कॅप नक्कीच मिळवेल, अशी चाहत्यांना खात्री आहे. तिसऱ्या क्रमांकावर ५५१ धावांसह दिल्लीचा शिखर धवन आहे. ऋतुराज सर्वाधिक सिक्सर मारणाऱ्या खेळाडूंच्या यादीतही 22 षटकार लगावत दुसऱ्या स्थानी आहे. तर सर्वाधिक चौकार ठोकण्याच्या यादीतही तो 61 चौकारांसह दुसऱ्या स्थानी आहे. तर ६२ चौकारांसह शिखर धवन पहिल्या स्थानावर आहे.

दुबईमध्ये कालच्या पहिल्या क्वालिफायर सामन्यात चेन्नई सुपर किंग्सने दिल्ली कॅपिटल्सवर दणदणीत विजय मिळवला. त्याबरोबरच चेन्नई सुपर किंग्सने 9 व्या वेळी अंतिम फेरी गाठण्याचा विक्रम केला आहे. या सामन्यात ऋतुराज गायकवाडने धमाकेदार कामगिरी करत 50 चेंडूत 70 धावा केल्या.

The post ऋतुराज गायकवाडची धमाकेदार कामगिरी, ऑरेंज कॅप त्यालाच मिळणार याची चाहत्यांना खात्री appeared first on थोडक्यात घडामोडी.

IPL २०२०च्या प्लेऑफमधून बाहेर पडल्यानंतर चेन्नई सुपरकिंग्स पुन्हा एकदा फॉर्ममध्ये आली आहे. गुरुवारी धोनीच्या टीमने कोलकाता नाईट रायडर्सला रोमांचक सामन्यात मात दिली. धावसंख्येचा पाठलाग करताना सीएसकेने केकेआरला धूळ चारली.

युवा फलंदाज ऋतुराज गायकवाडने ५३ चेंडूंत ७२ धावा काढत चेन्नईच्या विजयाचा पाया रचला आणि शेवटच्या षटकात सर जडेजाने धमाकेदार फलंदाजी करत आपल्या संघाला विजय मिळवून दिला. चेन्नईला विजय मिळवून दिल्यानंतर युवा फलंदाज ऋतुराज गायकवाडने कर्णधार महेंद्रसिंग धोनीची भरभरून स्तुती केली.

ऋतुराजने सलग दुसऱ्या सामन्यात सामनावीराचा किताब मिळवल्यानंतर म्हटले कि, ‘मला खूप छान आणि आत्मविश्वासाने भरलेले वाटत आहे. माझ्या दोन खेळ्या संघाच्या विजयासाठी महत्वाच्या ठरल्या याचा मला आनंद आहे.’ २३ वर्षीय ऋतुराजला आयपीएलच्या सुरुवातीला कोरोना संक्रमण झाले होते आणि त्यामुळे सुरुवातीला त्याला संधीही मिळाली नव्हती.

ऋतुराज म्हणाला कि, “आमचा कर्णधार नेहमी म्हणतो की प्रत्येक परिस्थितीचा सामना हसत करावा. मी हाच प्रयत्न करत आहे. हे कठीण आहे, पण माझे प्रयत्न चालू आहेत. कोरोनाने मला मजबूत केले. कोरोनाने मला वर्तमानात राहण्याची शिकवण दिली आहे. भूतकाळात न राहण्याचा आणि भविष्याचाही फारसा विचार न करण्याचा धडा या कठीण काळाने मला दिला आहे.”

The post कर्णधार महेंद्रसिंग धोनीने दिली ‘ही’ शिकवण, ऋतुराज गायकवाडने सांगितले.. appeared first on थोडक्यात घडामोडी.