मुंबई : ‘रामायण’ या मालिकेत भूमिका साकारणारे अभिनेते चंद्रकांत पंड्या यांचे निधन झाले आहे. ‘रामायण’ मध्ये सीतेची भूमिका साकारणारी अभिनेत्री दीपिका चिखलियाने त्यांच्या निधनाची बातमी सोशल मीडियावरून चाहत्यांना दिली आहे. ‘रामायण’मध्ये भगवान राम यांचा बालपणीचा मित्र निषाद राजची भूमिका चंद्रकांत यांनी साकारली होती.

दीपिका चिखलियाने इन्स्टाग्राम स्टोरीवर ‘निषाद राज’ अर्थात चंद्रकांत पंड्या यांचा फोटो शेअर केला आणि त्यांच्या मृत्यूबद्दल सांगितले. या बातमीमुळे सर्वत्र हालहाल व्यक्त करण्यात येत आहे. चंद्रकांत पंड्या यांना सर्वजण प्रेमाने ‘बबला’ नावाने हाक मारत असत. चंद्रकांत यांचा जन्म 1 जानेवारी 1946 रोजी गुजरात राज्यातील बनासकांठा जिल्ह्यातील भिलडी गावात झाला. त्यांचे वडील व्यापारी होते. ते गुजरातमधून येऊन मुंबईत स्थायिक झाले होते. चंद्रकांत यांचे बालपण मुंबईत गेले आणि शिक्षणही येथेच पूर्ण झाले.

‘रामायण’ व्यतिरिक्त चंद्रकांत पंड्या यांनी अनेक चित्रपट आणि टीव्ही शोमध्येही काम केले आहे. चंद्रकांत ज्येष्ठ अभिनेते अमजद खान यांचे खूप चांगले मित्र होते. दोघांनी एकत्र महाविद्यालयीन शिक्षण पूर्ण केले. चंद्रकांत यांना लहानपणापासूनच नाटकांमध्ये आणि अभिनयात रुची होती. त्यांना उपेंद्र त्रिवेदी आणि अरविंद त्रिवेदी यांच्यासोबत नाटकांमध्ये काम करण्याची संधी मिळाली. त्यातूनच त्यांनी अभिनयाला सुरुवात केली. त्यांना ‘कडू मकरानी’ या गुजराती चित्रपटात पहिला ब्रेक मिळाला. या चित्रपटात काम केल्यानंतर, चंद्रकांत गुजराती चित्रपटसृष्टीत एक प्रसिद्ध अभिनेते बनले. पण रामायणातील त्यांचे ‘निषाद राज’ हे पात्र अविस्मरणीय ठरले.

The post ‘रामायण’ या मालिकेत भूमिका साकारणारे अभिनेते चंद्रकांत पंड्या यांचे निधन appeared first on थोडक्यात घडामोडी.

मुंबई : लोकप्रिय मालिका ‘रामायण’मधील रावणाची भूमिका साकारणारे अभिनेते अरविंद त्रिवेदी यांचं निधन झालं. ते ८२ वर्षांचे होते. हृदयविकाराच्या झटक्यानं मंगळवारी रात्री त्यांचा मृत्यू झाला. अरविंद त्रिवेदी गेल्या बऱ्याच काळापासून प्रकृतीच्या समस्यांचा सामना करत होते. अनेक दिवसांपासून त्यांच्यावर उपचार सुरु होते. अरविंद त्रिवेदी यांचे पुतणे कौस्तुभ त्रिवेदी यांनी अरविंद त्रिवेदी यांच्या निधनाच्या बातमीला दुजोरा दिला.

अरविंद त्रिवेदी यांचा जन्म मध्य प्रदेशातील उज्जैन शहरात झाला. गुजराती रंगभूमीपासून त्यांनी आपल्या कारकिर्दीला सुरुवात केली. अरविंद त्रिवेदी यांनी गुजराती भाषेत धार्मिक आणि सामाजिक चित्रपटांद्वारे जवळपास 40 वर्ष प्रेक्षकांचे मनोरंजन केले. त्यांच्या उत्कृष्ट कामगिरीसाठी त्यांना अनेक पुरस्कारही मिळाले होते. 1987 मध्ये दूरदर्शनवर प्रसारित होणाऱ्या ‘रामायण’मध्ये त्यांनी दमदार कामगिरी केली. अरविंद त्रिवेदी यांनी ‘विक्रम और वेताल’ या टीव्ही मालिकेतही काम केले होते.

The post ‘रामायण’मध्ये रावणाची भूमिका साकारणारे अभिनेते अरविंद त्रिवेदी यांचं निधन appeared first on थोडक्यात घडामोडी.