नवी दिल्ली : पंतप्रधान किसान योजनेचा 8 वा हप्ता मिळण्याची तारीख निश्चित झाली आहे. कृषी मंत्रालयाने दिलेल्या माहितीनुसार, पंतप्रधान नरेंद्र मोदी 14 मे रोजी सकाळी 11 वाजता शेतकऱ्यांशी चर्चा करतील. यानंतर पंतप्रधान मोदी किसान योजनेचा पुढील हप्ता जारी करतील. हा कार्यक्रम https://pmindiawebcast.nic.in/ वर दाखविण्यात येईल.

याआधीच्या मीडिया रिपोर्टनुसार, राज्य सरकारांनी RFT (Request For Transfer) वर स्वाक्षरी केली आहे आणि केंद्र सरकारने एफटीओ (फंड ट्रान्सफर ऑर्डर) तयार केला आहे. बर्‍याच शेतकर्‍यांच्या खात्यात Rft Signed by State For 8th Installment असे स्टेटस दिसत आहे. जर आपण पंतप्रधान किसान योजनेत नोंदणी केलेली असेल, तर आपण आपले स्टेटस PMkisan.gov.in वर तपासू शकता.

आपले नाव अशाप्रकारे तपासा :

1. पंतप्रधान किसान सन्मान निधी PMkisan.gov.in च्या अधिकृत संकेतस्थळावर लॉग इन करा.
2. उजवीकडे ‘Farmers Corner’ दिसेल.
3. ‘Farmers Corner’ मध्ये ‘Beneficiary List’ चा पर्याय उपलब्ध असेल.
4. ‘लाभार्थी यादी’ (Beneficiary List) पर्यायावर क्लिक करा.
5. येथे राज्य, जिल्हा, उपजिल्हा, ब्लॉक ड्रॉप डाऊन सूचीतून निवडा. गाव निवडा.
6. आता Get Report वर क्लिक करा. आता या योजनेच्या लाभार्थ्यांची संपूर्ण यादी येईल.
7. ही यादी वर्णक्रमानुसार (अल्फाबेटिकल) असते. ही यादी अनेक पानांची असते. यात खालच्या बाजूला असलेला पर्याय वापरून पेज बदलून आपले नाव पाहू शकता.
8. याद्वारे आपण पीएम किसान योजनेचा आठवा हप्ता आपल्याला मिळणार की नाही याची खात्री करुन घेऊ शकता.

The post मोठी बातमी : पंतप्रधान किसान सन्मान निधी योजनेचा 8 वा हप्ता ‘या’ तारखेला मिळणार appeared first on थोडक्यात घडामोडी.

नवी दिल्ली : पंतप्रधान किसान सन्मान निधी योजनेचा आठवा हप्ता सरकारकडून लवकरच मिळणार आहे. दरवर्षी या योजनेंतर्गत मोदी सरकार शेतकऱ्यांना ६००० रुपये 2000 रुपयांच्या तीन हप्त्यांमध्ये देते. त्याअंतर्गत दर वर्षाचा पहिला हप्ता १ एप्रिल ते 3१ जुलै, दुसरा हप्ता १ ऑगस्ट ते 30 नोव्हेंबर या कालावधीत आणि तिसरा हप्ता १ डिसेंबर ते 3१ मार्च दरम्यान येतो. सरकारने आतापर्यंत 7 हप्ते जाहीर केले आहेत.

31 मार्चपूर्वी करा नोंदणी :

आपण अद्याप पंतप्रधान किसान सन्मान निधी योजनेंतर्गत आपली नोंदणी केली नसेल तर 31 मार्चपूर्वी नोंदणी करण्याची संधी आहे. जर आपण 3१ मार्चपूर्वी नोंदणी केली आणि आपला अर्ज स्वीकारला गेला तर होळीनंतर आपल्याला २००० रुपये मिळतीलच त्याचबरोबर एप्रिल किंवा मे महिन्यात येणाऱ्या हप्त्याचे 2000 रुपये देखील मिळतील.

अशा प्रकारे करू शकता नोंदणी :

1. तुम्हाला प्रथम पीएम किसानच्या अधिकृत संकेतस्थळावर जावे लागेल.
2. आता Farmers Corner वर जा.
3. येथे ‘New Farmer Registration’ या पर्यायावर क्लिक करा.
4. यानंतर आधार क्रमांक टाकावा लागेल.
5. यासह, कॅप्चा कोड प्रविष्ट करुन राज्य निवडा.
6. या फॉर्ममध्ये आपल्याला आपली सर्व वैयक्तिक माहिती भरावी लागेल.
7. तसेच बँक खात्याचा तपशील आणि शेतमालाशी संबंधित माहिती भरावी लागेल.
8. यानंतर आपण फॉर्म सबमिट करू शकता.

या योजनेत नोंदणी करणे अगदी सोपे आहे. आपण घरी बसून ही प्रक्रिया पूर्ण करू शकता. या व्यतिरिक्त आपण पंचायत सचिव किंवा स्थानिक सामान्य सेवा केंद्राद्वारे या योजनेसाठी अर्ज करू शकता. आपण या योजनेसाठी स्वतः देखील नोंदणी करू शकता.

2019 मध्ये सुरू झालेल्या या योजनेत पूर्वी काही चुका आढळल्या, ज्या सुधारण्याचे सरकारने ठरविले आहे. या योजनेत पारदर्शकता येण्यासाठी सरकारने हे पाऊल उचलले आहे. किसान सन्मान निधी योजनेअंतर्गत नवीन नोंदणी करणाऱ्या शेतकर्‍यांना आता अर्जात त्यांचा भूखंड क्रमांक नमूद करावा लागेल. तथापि, या नवीन नियमांचा योजनेशी संबंधित जुन्या लाभार्थींवर परिणाम होणार नाही.

The post मोठी बातमी : पंतप्रधान किसान योजनेंतर्गत ३१ मार्चपूर्वी नोंदणी केल्यास मिळणार दुप्पट फायदा appeared first on थोडक्यात घडामोडी.