मुंबई : मुंबईत एका महिलेने प्रियकराच्या मदतीने पतीची हत्या केल्याची खळबळजनक घटना घडली आहे. महिलेने हत्या केल्यानंतर पतीचा मृतदेह किचनमध्येच पुरला होता. महिलेने हे भयंकर कृत्य तिच्या सहा वर्षाच्या मुलीच्या डोळ्यांसमोर केलं होतं. हत्या झालेल्या व्यक्तीचं नाव रईस शेख आहे. पोलिसांनी हत्येप्रकरणी शाहिदा शेख आणि तिचा प्रियकर अनिकेत उर्फ अमित मिश्रा याला अटक केली आहे.

पोलिसांनी दिलेल्या माहितीनुसार, रईस शेख आणि शाहिदा शेख हे दांपत्य मूळचे उत्तर प्रदेशचे असून नोकरीच्या शोधात मुंबईत आले होते. त्यांना सहा वर्षाची मुलगी आणि दोन वर्षांचा मुलगा आहे. २५ मे रोजी शाहिदा शेख यांनी दहिसर पोलीस ठाण्यात पती बेपत्ता झाल्याची तक्रार दिली होती. २१ मे रोजी पती घऱाबाहेर पडले आणि त्यानंतर पुन्हा घऱी परतले नसल्याचं आणि त्याच्याशी संपर्क होत नसल्याचं तिने सांगितलं होतं. त्यानुसार पोलिसांनी तक्रार दाखल करत तपास सुरु केला. मात्र, २५ मे रोजी रईसचा भाऊ अनीस मुंबईत आला आणि दहिसर पोलीस स्टेशनमध्ये जाऊन शाहिदा वेगवेगळी माहिती देत असून ती काहीतरी लपवत असल्याची शंका व्यक्त केली.

हृदयद्रावक : चिमुकलीचा कारमध्ये गुदमरून मृत्यू, वडिलांनी दुसऱ्या दिवशी गाडीचा दरवाजा उघडला आणि…

१ जूनला पोलीस रईसच्या घरी गेले. घराची झडती घेतली असता पोलिसांना किचनमधील टाइल्स योग्य पद्धतीने लावलेल्या नसल्याचं लक्षात आलं. त्यानंतर पोलिसांनी शाहिदाची कठोरपणे चौकशी केली आणि तिने हत्या करून मृतदेह किचनमध्ये पुरल्याची कबुली दिली. पोलिसांनी मुलीकडे चौकशी केली असता तिने जे काही पाहिलं होतं ते सर्व पोलिसांना सांगितलं. जर पोलिसांना सांगितलं तर तुलादेखील अशीच पुरुन टाकेन अशी धमकी आईने दिल्याचंही मुलीने सांगितलं. रईस शेखच्या हत्येनंतर ११ दिवसांनी मृतदेह पोलिसांच्या हाती लागला. किचनमध्ये तीन फूट खट्टा खोदून पुरण्यात आलेला हा मृतदेह बाहेर काढण्यासाठी पोलीस जवळपास १२ तास खोदकाम केलं.

शाहिदाने शेजारी राहणाऱ्या अमित मिश्रासोबत विवाहबाह्य संबंध असल्याची कबुली दिली. पती रईसला या संबंधांबद्दल समजले होते आणि त्याने हे सर्व थांबवण्यास सांगितलं होतं. २२ मे रोजी शाहिदाने अमित मिश्रासोबत मुलीच्या डोळ्यांदेखत रईसची वायरीने गळा दाबून हत्या केली. यानंतर त्यांनी मृतदेहाचे तीन तुकडे केले. थोडा वेळ मृतदेह बाथरुममध्ये ठेवला आणि त्यानंतर त्यांनी तो किचनमध्ये खड्डा खोदून तिथेच पुरला होता.

अनैतिक संबंधांचा अर्थ महिला चांगली आई नाही, असा लावला जाऊ नये – उच्च न्यायालय

The post महिलेने पतीची हत्या करून मृतदेह किचनमध्ये पुरला, स्वतःच्या लहान मुलीसमोर केलं भयंकर कृत्य… appeared first on थोडक्यात घडामोडी.

मुंबई : एका तरुणाने स्वतःच्या वडील आणि आजोबांची हत्या करून स्वतः बिल्डिंगच्या सहाव्या मजल्यावरून उडी मारून आत्महत्या केल्याची घटना घडली आहे. घटनेची माहिती मिळताच मुलुंड पोलीस घटनास्थळी दाखल झाले असून पुढील तपास सुरू आहे. मुलुंड पश्चिम येथील वसंत ऑस्कर बिल्डिंगमध्ये ही घटना घडली.

शार्दूल मांगले असे आत्महत्या केलेल्या तरुणाचे नाव आहे. आज (६ मार्च) सकाळी 9 वाजताच्या दरम्यान त्याने त्याचे वडील मिलिंद मांगले आणि आजोबा सुरेश मांगले यांच्यावर चाकूने वार केले. या वेळी त्यांचा केयरटेकर अनंत कांबळे याने त्यांना अगोदर वाचविण्याचा प्रयत्न केला. मात्र, नंतर घाबरून तो बाथरुममध्ये कडी लावून लपला.

सुरेश मांगले (आजोबा), मिलिंद मांगले (वडील) आणि शार्दूल मांगले (मुलगा) अशी मृतांची नावं आहेत. शार्दूलनं हे टोकाचं पाऊल का उचललं, याबद्दल अद्याप काहीही माहिती मिळू शकली नाही. दरम्यान, सहपोलिस आयुक्त विश्वास नांगरे पाटील स्वत: घटनास्थळी दाखल झाले आहेत.

The post मुलुंडमध्ये वडील आणि आजोबांची हत्या करून तरुणाची आत्महत्या appeared first on थोडक्यात घडामोडी.

मुंबई : एका सिगारेटसाठी नशेबाजाने पानटपरी चालकाची हत्या केली. ही घटना वांद्रे रेल्वे टर्मिनसच्या बाहेर गेट नंबर 18 येथे घडली. मुदस्सिर खान असे मृत पानबिडी विक्रेत्याचे नाव असून पोलिसांनी याप्रकरणी दोघांना अटक केली आहे.

बुधवारी पहाटे साडेपाचच्या सुमारास त्याने नेहमीप्रमाणे दुकान उघडले. दुकान उघडल्यानंतर समीर नावाचा तरुण या ठिकाणी आला. आरोपी समीर खान (२२) याने मुदस्सिर याच्याकडे उधारीवर सिगारेट मागितली. परंतु आधीची उधारी असल्याने आणि सकाळची वेळ असल्यामुळे मुदस्सिर याने सिगारेट देण्यास नकार दिला. यामुळे रागाच्या भरात समीरने जवळच्या नारळ-पाण्याच्या दुकानातून चाकू उचलला आणि मुदस्सिर याच्यावर वार केले. बचाव करण्यासाठी पुढे सरसावलेला मुदस्सिर याचा भाऊ आणि आईदेखील या हल्ल्यात जखमी झाले. त्यानंतर तो घटनास्थळावरून पळून गेला. रक्तस्त्राव झाल्याने मुदस्सिर याचा रुग्णालयात दाखल करण्यापूर्वीच मृत्यू झाला.

निर्मल नगर पोलिसांनी आरोपीला अटक केली असून, त्याच्यावर आयपीसी कलम 2०२ (खून) आणि 7०7 (खुनाचा प्रयत्न) अंतर्गत गुन्हा दाखल करण्यात आला आहे. आज त्याला न्यायालयात हजर करण्यात येणार आहे.

The post उधारीवर सिगारेट न दिल्यामुळे पानटपरी चालकाची हत्या appeared first on थोडक्यात घडामोडी.