अहमदनगर : खासदार डॉ. सुजय विखे पाटील यांना कोरोनाची लागण झाली आहे. त्यांनी ट्विट करुन याबाबतची माहिती दिली. काही दिवसांपूर्वीच भाजप आमदार राधाकृष्ण विखे पाटील यांना कोरोनाची लागण झाली आहे.

डॉ. सुजय विखे पाटील यांनी ट्विटमध्ये लिहिलं की, आज माझी कोव्हिड टेस्ट पॉझिटिव्ह आली आहे. काळजी करण्याचे कारण नाही. परंतु खबरदारी म्हणून मी स्वत: विलगीकरणात जात आहे. माझ्या संपर्कात आलेल्या सर्वांनी स्वत:ची कोव्हिड टेस्ट करावी व काळजी घ्यावी.

आज माझी कोव्हीड टेस्ट पॉझीटीव्ह आली आहे.काळजी करण्याचे कारण नाही परंतु खबरदारी म्हणून मी स्वतः विलागीकरणात जात आहे

माझ्या संपर्कात आलेल्या सर्वांनी स्वतःची कोव्हीड टेस्ट करावी व काळजी घ्यावी.

— Dr. Sujay Vikhe Patil (@drsujayvikhe) January 3, 2022

पंकजा मुंडेंना ओमायक्रॉनची लागण
भाजप नेत्या पंकजा मुंडे यांना कोरोनाच्या ओमायक्रॉन या नव्या व्हेरिएंटची लागण झाली आहे. पंकजा मुंडेंना एप्रिल 2020 मध्येदेखील कोरोनाची लागण झाली होती. यावेळी त्यांना ओमायक्रॉनची लागण झाल्याची शंका व्यक्त करण्यात येत होती. त्यांचे स्वॅब जिनोम सिक्वेन्सिंगसाठी पाठविण्यात आले होते, त्याचा रिपोर्ट रविवारी समोर आला असून त्यांना ओमायक्रॉनची लागण झाल्याचं स्पष्ट झालं आहे.

The post खासदार डॉ. सुजय विखे पाटील यांना कोरोनाची लागण appeared first on थोडक्यात घडामोडी.

मुंबई : राष्ट्रवादीच्या खासदार सुप्रिया सुळे यांना कोरोनाची लागण झाली आहे. त्यांनी स्वत: ट्विट करत ही माहिती दिली आहे. सुप्रिया आणि त्यांचे पती सदानंद या दोघांनाही कोरोनाची लागण झाली आहे. सध्या त्यांच्यात कोरोनाची कोणतीही लक्षणे नाहीत. ते सध्या विलगीकरणात राहत आहेत. सुप्रिया सुळे यांनी त्यांच्या संपर्कात आलेल्यांना आपली कोरोना चाचणी करुन घेण्याचे आवाहन केले आहे.

सुप्रिया सुळे यांनी ट्विट करत सांगितले आहे की, सदानंद आणि मी, आम्हा दोघांची COVID-19 चाचणी पॉझिटिव्ह आली आहे. आमच्यात कोणतीही लक्षणे नाहीत. आमच्या संपर्कात आलेल्या प्रत्येकाने स्वतःची चाचणी घ्यावी ही विनंती. काळजी घ्या.

मी आणि सदानंद, आम्हा दोघांचीही कोरोना टेस्ट पॉझिटिव्ह आली आहे. काळजी करण्याचे कारण नाही पण आमच्या संपर्कात आलेल्या सर्वांनी आपली कोरोना टेस्ट करुन घ्यावी,ही नम्र विनंती. काळजी घ्या.

— Supriya Sule (@supriya_sule) December 29, 2021

दरम्यान, राज्याच्या शिक्षणमंत्री वर्षा गायकवाड यांना देखील मंगळवारी कोरोनाची लागण झाल्याचे समोर आले आहे. वर्षा गायकवाड अधिवेशनात देखील उपस्थित होत्या.

The post खासदार सुप्रिया सुळे यांना कोरोनाची लागण appeared first on थोडक्यात घडामोडी.

मुंबई : राष्ट्रवादी काँग्रेस पक्षाचे खासदार अमोल कोल्हे यांची कोविड टेस्ट पॉझिटिव्ह आली आहे. ते सध्या डॉक्टरांच्या सल्ल्यानुसार उपचारासाठी रुग्णालयात दाखल झाले आहेत. कोल्हे यांनी कोरोना प्रतिबंधक लसीचे दोन्ही डोस घेतले होते मात्र, तरिही त्यांना कोरोनाचा संसर्ग झाला आहे. यानंतर कोल्हे यांनी रुग्णालयातून सर्व नागरिकांना एक महत्त्वाचे आवाहन केले आहे.

खासदार अमोल कोल्हे व्हिडीओच्या माध्यमातून म्हटले की, महाराष्ट्र शासनाची सार्वजनिक आरोग्य व्यवस्था सक्षम असून यावार माझा विश्वास आहे. म्हणूनच कोरोना पॉझिटिव्ह रिपोर्ट आल्यानंतर शासकीय रुग्णालयाचा मी पर्याय निवडला आहे. त्यानुसार मुंबई महानगरपालिकेच्या सेव्हन हिल्स रुग्णालयात उपचारासाठी दाखल झालो आहे. आपण आपल्या व्यवस्थांवर विश्वास दाखविला पाहिजे.

ते पुढे म्हटले की, मी दोनवेळा कोरोना प्रतिबंधक लस घेऊन सुद्धा माझी कोरोना टेस्ट पॉझिटिव्ह आली आहे. कोरोनाचा धोका पूर्णपणे टळलेला नाहीये याची प्रचिती मला आलेली आहे. हा डेल्टा व्हेरिएंट असू शकतो. कारण तो लस घेतल्यानंतरची प्रतिकारशक्ती सुद्धा भेदू शकतो. त्यामुळे लस घेतली म्हणजे धोका टळला असे समजून गाफिल राहू नका. सर्वांनी कोरोनाचे नियम, निर्बंध काटेकोरपणे पाळा. विविध माध्यमातून माझे हितचिंतक काळजी व्यक्त करतायत, शुभेच्छा देत आहेत त्यांचे मनापासून आभार मानतो.

The post लसीचे दोन्ही डोस घेतल्यानंतरही कोरोना पॉझिटिव्ह; अमोल कोल्हेंचे रुग्णालयातून हात जोडून आवाहन… appeared first on थोडक्यात घडामोडी.

राष्ट्रवादी काँग्रेसचे खासदार सुनिल तटकरे यांना कोरोनाची लागण झाल्याची माहिती समोर आली आहे. सुनिल तटकरे यांनी स्वत: ट्विट करत यासंदर्भातील माहिती दिली आहे. तसंच खबरदारीचा उपाय म्हणून मुंबईतील रुग्णालयात आपण दाखल झाल्याचंही त्यांनी सांगितलं.

“सोमवारी माझी करोना चाचणी करण्यात आली असून, आज त्याचे रिपोर्ट पॉझिटिव्ह आले आहेत. माझी प्रकृती उत्तम असून खबरदारीचा उपाय म्हणून मी मुंबईतील रुग्णालयात दाखल झालो आहे. आपल्या सर्वांच्या सदिच्छा व आशीर्वाद यांच्या बळावर मी लवकरात लवकर पुन्हा आपल्या सेवेत रुजू होईन,” असं तटकरे म्हणाले.

काल माझी करोना चाचणी करण्यात आली असून, आज त्याचे रिपोर्ट पॉझिटिव्ह आले आहेत. माझी प्रकृती उत्तम असून खबरदारीचा उपाय म्हणून मी मुंबईतील इस्पितळात दाखल झालो आहे. आपल्या सर्वांच्या सदिच्छा व आशीर्वाद यांच्या बळावर मी लवकरात लवकर पुन्हा आपल्या सेवेत रुजू होईन.#Covid_19

— Sunil Tatkare (@SunilTatkare) October 27, 2020

The post खासदार सुनिल तटकरे यांना कोरोनाची लागण, रुग्णालयात दाखल appeared first on थोडक्यात घडामोडी.

२० वर्षांपूर्वी हिमाचल प्रदेश सोडून न्यूझिलंडमध्ये स्थायिक झालेले डॉक्टर गौरव शर्मा हे आता तिथे खासदार झाले आहेत. डॉ. गौरव शर्मा हे हॅमिल्टन वेस्टमधून निवडून आले आहेत. लेबर पार्टीने त्यांना तिकिट दिलं होतं. डॉ. गौरव शर्मा यांना १५ हजार ८७३ मतं मिळाली तर त्यांच्या प्रतिस्पर्धी उमेदवाराला ११ हजार ४८७ मतं मिळाली.

गौरव शर्मा हे आपल्या कुटुंबीयांसहित २० वर्षांपूर्वी न्यूझिलंडमध्ये स्थायिक झाले. त्यांचे वडील हिमाचल प्रदेश वीज नियामक मंडळात काम करत होते. डॉ. गौरव शर्मा यांनी याआधीही निवडणूक लढवली होती मात्र त्यांना विजय मिळाला नव्हता. आता मात्र ते विजयी झाले आहेत.

“माझं आरोग्य क्षेत्रातलं काम कोविड १९ च्या आधीच्या काळात आणि कोविड १९ च्या काळात हॅमिल्टनमधल्या लोकांसाठी महत्त्वाचं ठरलं. त्यामुळेच त्यांनी माझ्यावर विश्वास टाकला आणि मला निवडून दिलं”, असं डॉ. गौरव शर्मा यांनी म्हटलं आहे.

डॉ. गौरव शर्मा हॅमिल्टनमध्ये प्रॅक्टीस करतात. मेडिसीन आणि सर्जरी मध्ये त्यांनी डॉक्टरेट पदवी मिळवली आहे. तसंच अमेरिकेतील जॉर्ज वॉशिंग्टन विद्यापीठातून त्यांनी बिझनेस अॅडमिनिस्ट्रेशनचीही पदवी मिळवलेली आहे.

The post हिमाचल प्रदेशचे डॉ. गौरव शर्मा झाले न्यूझिलंडमध्ये खासदार appeared first on थोडक्यात घडामोडी.

आजपासून संसदेच्या पावसाळी अधिवेशनाला सुरूवात झालीय. परंतु, यापूर्वीच लोकसभेचे १७ खासदार कोरोना पॉझिटिव्ह आढळले आहेत. खबरदारीचा उपाय म्हणून संसद भवनात या सर्व खासदारांची १३ आणि १४ सप्टेंबर रोजी करोना चाचणी करण्यात आली होती.

करोना संक्रमित खासदारांमध्ये सर्वाधिक १२ खासदार सत्ताधारी भाजपचे, वायआरएस काँग्रेसचे दोन, शिवसेना, डीएमके आणि राष्ट्रीय जनता दलाच्या एका-एका खासदाराचा समावेश आहे. अधिवेशनाच्या पहिल्या दिवशी ३५९ सदस्यांनी लोकसभेच्या कामकाजाला हजेरी लावल्याचं सांगण्यात आलंय.

खासदार मीनाक्षी लेखी, अनंत कुमार हेगडे आणि प्रवेश साहिब सिंह वर्मा यांच्यासहीत एकूण १७ खासदार करोना पॉझिटिव्ह आढळलेत. यामध्ये सुखबीर सिंह, प्रताप राव जाधव, जनार्दन सिंह, हनुमान बेनीवाल, सेल्वम जी, प्रताप राव पाटील, रामशंकर कठेरिया, सत्यपाल सिंह यांचाही समावेश आहे.

The post लोकसभेचे १७ खासदार कोरोना पॉझिटिव्ह appeared first on थोडक्यात घडामोडी.

‘मराठा समाजाच्या प्रश्नांबाबत सरकार कधीच गंभीर नव्हते. त्याचा परिणाम आज मराठा समाजाला भोगावा लागत आहे. आता सरकारने तातडीने अध्यादेश काढून मराठा आरक्षण अबाधित ठेवावं. अन्यथा होणाऱ्या परिणामाला सामोरे जावे, असा इशारा भाजपचे राज्यसभा खासदार उदयनराजे भोसले यांनी दिला आहे.

सर्वोच्च न्यायालयानं मराठा समाजाच्या आरक्षणाला स्थगिती दिल्यामुळं राज्यातील राजकीय वातावरण तापले आहे. उदयनराजे यांनीही फेसबुक पोस्टच्या माध्यमातून आपली भूमिका मांडली आहे. ‘सर्वोच्च न्यायालयाने मराठा आरक्षणाला स्थगिती दिल्यामुळे समाजाच्या प्रगतीला मोठी खीळ बसली आहे. सरकारने समाजाला विश्वासात घेवून योग्य ती कार्यवाही केली असती, तर मराठा आरक्षण कायम टिकवता आले असते,’ असं ते म्हणाले.

केवळ राज्य सरकारच्या हलगर्जीपणामुळे ही वाईट वेळ मराठा समाजावर आली आहे. महाराष्ट्र सरकार ५० टक्क्यांच्या वरील आरक्षण देण्यासाठी कुठलीही विशेष बाब सिद्ध करण्यामध्ये अपयशी ठरले आहे. हे करत असताना राज्य सरकारने कुठलीही खबरदारी घेतली नाही. सरकार कोणत्याही पक्षाचे असो ही सर्वांची जबाबदारी आहे,’ असंही ते म्हणाले.

The post सरकारने तातडीने अध्यादेश काढून मराठा आरक्षण अबाधित ठेवावं- खासदार उदयनराजे भोसले appeared first on थोडक्यात घडामोडी.