दिल्ली : दिल्लीत शनिवारी मंकीपॉक्सचा पाचवा रुग्ण आढळून आला आहे. लोकनायक रुग्णालयात दाखल करण्यात आलेल्या आफ्रिकन वंशाच्या महिला रुग्णाचा अहवाल पॉझिटिव्ह आला आहे. ही एक 22 वर्षीय आफ्रिकन महिला असून तिचा नायजेरियाच्या प्रवासाचा इतिहास आहे. ही महिला दक्षिण दिल्लीत राहत होती. मंकीपॉक्सची लक्षणे दिसल्यानंतर तिला लोकनायक रुग्णालयात दाखल करण्यात आले. शनिवारी आलेल्या अहवालात मंकीपॉक्सची पुष्टी झाली आहे.

सध्या 4 रुग्ण रुग्णालयात दाखल असून 1 रुग्णाला डिस्चार्ज देण्यात आला आहे. लोकनायक रुग्णालयाचे वैद्यकीय संचालक डॉ. सुरेश कुमार यांनी दिलेल्या माहितीनुसार, मंकीपॉक्सची लागण झालेली महिला मूळची आफ्रिकेतील आहे. लक्षणे आढळल्यानंतर महिलेचे नमुने तपासणीसाठी पाठवण्यात आले होते, जे पॉझिटिव्ह आले आहेत. महिलेची प्रकृती उत्तम असल्याचे त्यांनी सांगितले.

डॉ. सुरेश यांनी सांगितले की लोकनायक रुग्णालयात मंकीपॉक्सचे एकूण पाच रुग्ण आढळून आले आहेत, यापैकी एक रुग्ण बरा झाल्यानंतर त्याला रुग्णालयातून डिस्चार्ज देण्यात आला आहे. तर मंकीपॉक्सचे चार रुग्ण रुग्णालयात दाखल असून, त्यात दोन महिला आणि दोन पुरुष रुग्णांचा समावेश आहे. चारही रुग्णांची प्रकृती उत्तम आहे. यापूर्वी सापडलेले तीन रुग्णही वेगाने बरे होत आहेत.

The post ब्रेकिंग! दिल्लीत मंकीपॉक्सचा पाचवा रुग्ण आढळला, रुग्णालयात उपचार सुरु appeared first on थोडक्यात घडामोडी.

केरळ : केरळमध्ये मंकीपॉक्सचा पहिला रुग्ण आढळून आला आहे. राज्याच्या आरोग्य मंत्री वीणा जॉर्ज यांनी गुरुवारी सांगितले की, परदेशातून परतलेल्या 35 वर्षीय व्यक्तीला मंकीपॉक्सची लक्षणे दिसू लागल्याने रुग्णालयात दाखल करण्यात आले होते. तपासणीत त्या व्यक्तीला मंकीपॉक्स झाल्याची पुष्टी झाली आहे. केरळ आणि देशातील मंकीपॉक्सची ही पहिलीच घटना आहे.

तत्पूर्वी, केरळच्या आरोग्यमंत्र्यांनी पत्रकारांना सांगितले होते की, मंकीपॉक्सची लक्षणे असलेल्या एका व्यक्तीचे नमुने गोळा करण्यात आले असून ते नमुने तपासणीसाठी राष्ट्रीय विषाणूशास्त्र संस्थेकडे पाठवण्यात आले आहेत. वीणा जॉर्ज यांनी सांगितले की, त्या व्यक्तीमध्ये मंकीपॉक्सची लक्षणे दिसून आली आणि तो आजारी होता. परदेशात मंकीपॉक्सच्या रुग्णाशी त्याचा संपर्क आला होता.

वीणा जॉर्ज म्हणाल्या, ‘मंकीपॉक्सच्या एका केसची पुष्टी झाली आहे. हा संसर्ग इतर लोकांमध्ये पसरू नये यासाठी आम्ही प्रयत्न करत आहोत. परंतु, संक्रमित आढळलेली व्यक्ती त्याच्या पालकांसह दोन ते तीन लोकांच्या जवळच्या संपर्कात आली आहे. संक्रमित व्यक्तीच्या जवळच्या संपर्कात आलेल्या एकूण 11 जणांची ओळख पटली आहे, ज्यामध्ये त्याचे आई-वडील, टॅक्सी ड्रायव्हर आणि ऑटो ड्रायव्हर, विमानात त्याच्या शेजारी बसलेले लोकही सामील आहेत. याबाबत आम्ही सर्वांना माहिती देत ​​आहोत. काळजी करण्यासारखे काही नाही. आरोग्य विभागाने मात्र लोकांना सतर्क राहण्याचे आवाहन केले आहे.

दरम्यान, केरळच्या कोल्लम जिल्ह्यात मंकीपॉक्सची घटना समोर आल्यानंतर केंद्रीय आरोग्य आणि कुटुंब कल्याण मंत्रालयाने राज्य आरोग्य अधिकाऱ्यांना सहकार्य करण्यासाठी एक उच्चस्तरीय केंद्रीय पथक तयार केले असून तिकडे पाठवत आहे. सरकारी पत्रकानुसार, केरळला जाणार्‍या केंद्रीय टीममध्ये राष्ट्रीय रोग नियंत्रण केंद्र (NCDC), डॉ. राम मनोहर लोहिया हॉस्पिटलचे तज्ज्ञ, केंद्रीय आरोग्य मंत्रालयाचे तज्ज्ञ यांचा समावेश आहे. प्रसिद्धीनुसार, केंद्रीय पथक काम करणार आहे. राज्याच्या आरोग्य विभागाशी जवळीक साधून काम करून परिस्थितीचा आढावा घेतील आणि आवश्यक सार्वजनिक आरोग्य उपाययोजनांची शिफारस करेल.

भारत सरकार परिस्थितीचे काळजीपूर्वक निरीक्षण करून आणि संक्रमणाचा प्रसार रोखण्यासाठी राज्यांशी समन्वय आणि सहकार्य करून सक्रिय पावले उचलत आहे. जागतिक आरोग्य संघटनेच्या (WHO) मते, मंकीपॉक्स हा विषाणूजन्य झुनोसिस (प्राण्यांपासून मानवांमध्ये पसरणारा विषाणू) आहे. ज्याची लक्षणे चेचक सारखी असतात. तथापि, वैद्यकीय दृष्टिकोनातून हे कमी गंभीर आहे.

The post देशात मंकीपॉक्सचा पहिला रुग्ण आढळल्याने खळबळ, केंद्राने पाठवली उच्चस्तरीय टीम appeared first on थोडक्यात घडामोडी.

केरळ : परदेशातून परतलेल्या एका व्यक्तीला मंकीपॉक्सची लक्षणे दिसू लागल्याने केरळमधील रुग्णालयात दाखल करण्यात आले आहे, असे राज्याच्या आरोग्यमंत्री वीणा जॉर्ज यांनी गुरुवारी सांगितले. त्या म्हणाल्या की त्यांचे नमुने गोळा केले गेले आहेत आणि चाचणीसाठी नॅशनल इन्स्टिट्यूट ऑफ व्हायरोलॉजीकडे पाठवण्यात आले आहेत. चाचणीचे रिपोर्ट आल्यानंतरच या आजाराची पुष्टी करता येईल.

वीणा जॉर्ज म्हणाल्या कि, “त्या व्यक्तीमध्ये मंकीपॉक्सची लक्षणे दिसून आली आहेत आणि तो परदेशात मंकीपॉक्सच्या रुग्णाच्या जवळच्या संपर्कात होता.”

वर्ल्ड हेल्थ ऑर्गनायझेशन (डब्ल्यूएचओ) च्या मते, मंकीपॉक्स हा एक विषाणूजन्य झुनोसिस (प्राण्यांमधून मानवांमध्ये पसरलेला विषाणू) आहे ज्याची लक्षणे भूतकाळात स्मॉलपॉक्सच्या रूग्णांमध्ये दिसल्यासारखीच आहेत, जरी ती वैद्यकीयदृष्ट्या कमी गंभीर आहेत.

The post चिंताजनक! परदेशातून परतलेल्या व्यक्तीमध्ये आढळली मंकीपॉक्सची लक्षणे, रुग्णालयात दाखल appeared first on थोडक्यात घडामोडी.