कोल्हापूर : एका टीव्ही अभिनेत्याला विनयभंगाच्या गुन्ह्यामध्ये पोलिसांनी अटक केली आहे. जितेंद्र शेलाजी पोळ (वय ३२) असे अटक केलेल्या कलाकाराचे नाव आहे. त्याने पोलिसांना सांगितले की ‘गजानन महाराज शेगाव’ या मालिकेत त्याने भूमिका केली आहे.

मिळालेल्या माहितीनुसार, जितेंद्र पोळ याची शादी डॉट कॉम या वेबसाईटच्या माध्यमातून एका महिलेशी ओळख झाली. ओळख झाल्यानंतर त्यानं संबंधित महिलेशी लग्नाचा प्रस्ताव ठेवला. पण त्या महिलेने लग्नाला नकार दिला. मात्र, त्यानंतरही ती काम करत असलेल्या ठिकाणी वेळोवेळी जाऊन, पाठलाग करून तिला अडवून लगट करण्याचा प्रयत्न जितेंद्रने केला. तसेच लज्जा उत्पन्न होईल असे कृत्य करून विनयभंग केला. या गुन्ह्याखाली पोळ याला राजारामपुरी पोलिसांनी अटक करण्यात आली आहे. याप्रकरणी पोलीस अधिक तपास करत आहेत.

The post टीव्ही अभिनेत्याला विनयभंगाच्या गुन्ह्यामध्ये अटक appeared first on थोडक्यात घडामोडी.

उत्तर प्रदेशातील हाथरसमधील नौझरपूर गावात अतिशय धक्कादायक घटना घडली आहे. आपल्या मुलीचा विनयभंग केल्याची तक्रार वडिलांनी नोंदवली. त्यामुळे आरोपींनी सोमवारी संध्याकाळी पीडितेच्या वडिलांची गोळ्या घालून हत्या केली.

मिळालेल्या माहितीनुसार, २०१८ मध्ये हाथरसच्या सासनी भागामध्ये गावातल्या गौरव शर्मा या तरुणाने पीडितेचा विनयभंग केला होता. या प्रकाराविरोधात पीडितेचे वडिल अमरीश शर्मा (वय 52) यांनी पोलिसात तक्रार दाखल केल्यानंतर त्याला न्यायालयाने शिक्षा देखील सुनावली. मात्र, महिन्याभरातच आरोपी जामिनावर बाहेर आला. जामिनावर बाहेर आल्यानंतर तो तक्रार मागे घेण्यासाठी अमरीश यांच्यावर दबाव टाकत होता.

सोमवारी संध्याकाळी पीडितेच्या वडील अमरीश आपल्या शेतात काम करत होते. तेव्हा त्यांची पत्नी आणि मुलगी त्यांच्यासाठी शेतात जेवायला डबा घेऊन आल्या होत्या. त्यावेळी गौरव आपल्या तीन मित्रांसह तेथे आला आणि तक्रार मागे घेण्यासाठी धमकी द्यायला सुरुवात केली. पीडितेच्या वडिलांनी काही बोलण्याअगोदरच त्यांच्यावर बेछूट गोळीबार करून आरोपी तेथून निघून गेले. अमरीश यांना तात्काळ हाथरस येथे उपचारासाठी नेण्यात आले, परंतु, तेथे डॉक्टरांनी त्यांना मृत घोषित केले. या घटनेमुळे पीडितेला मोठा धक्का बसला आहे.

अमरीश शर्मा यांच्या मुलीने याप्रकरणात सहा जणांवर गुन्हा दाखल केला आहे. त्यातील एकास अटक करण्यात आली आहे. दरम्यान, पीडितेच्या कुटूंबाने सर्व आरोपींना अटक झाल्याशिवाय अमरीश यांचा अंत्यसंस्कार न करण्याचा आग्रह धरला होता. परंतु, पोलिसांनी समजावल्यानंतर कुटुंबीय अंत्यसंस्कार करण्यासाठी सहमत झाले. यावेळी वडिलांच्या पार्थिवाला मुलीनेही खांदा दिला. हे पाहून तेथील उपस्थितांचे डोळे पाणावले.

The post भयंकर : मुलीचा विनयभंग केल्याची तक्रार नोंदवणाऱ्या वडिलांची गोळ्या घालून हत्या… appeared first on थोडक्यात घडामोडी.