मुंबई : जिल्हा कौशल्य विकास, रोजगार व उद्योजकता मार्गदर्शन केंद्र, मुंबई उपनगर यांच्या विद्यमाने १३ सप्टेंबर, २०२३ रोजी एन.डी. शहा कॉलेज, (एसएनडीटी), मालाड (पश्चिम), मुंबई येथे सकाळी १०.०० ते संध्या. ४.०० या वेळेत महिलांसाठी पंडित दीनदयाळ उपाध्याय रोजगार मेळाव्याचे आयोजन करण्यात आले आहे.

या मेळाव्यात विविध नामांकित कंपन्या व नियोक्त्यांकडून रिक्त पदे भरण्यात येणार आहेत. रिक्त पदांसाठी पात्रतेप्रमाणे उमेदवारांच्या प्रत्यक्ष मुलाखती घेण्यात येणार आहेत. तरी १० वी, १२ वी उत्तीर्ण / आयटीआय/ पदवीधर उमेदवारांनी या संधीचा लाभ घेण्यासाठी नमूद पत्त्यावर उपस्थित रहावे, असे आवाहन र.प्र. सुरवसे, प्र सहायक आयुक्त, कौशल्य विकास, रोजगार व उद्योजकता मार्गदर्शन केंद्र, मुंबई उपनगर यांचे वतीने करण्यात येत आहे.

The post पंडित दीनदयाळ उपाध्याय रोजगार मेळाव्याचे १३ सप्टेंबर रोजी मालाड, मुंबई येथे आयोजन appeared first on थोडक्यात घडामोडी.

मुंबई : मुसळधार पावसामुळे मालाडमधील मालवणीमध्ये एक तीन मजली इमारत कोसळून मोठी दुर्घटना झाली आहे. ही घटना रात्री साडे अकरा वाजताच्या सुमारास घडली. न्यू कलेक्टर कंपाउंडमधील तीन मजली इमारतीचा दुसरा व तिसरा मजला लगतच्या चाळीवर कोसळला. या दुर्घटनेत 11 जणांचा मृत्यू  झाला असून 17 जण गंभीर जखमी झाले आहेत. अग्निशमन दलाच्या आठ गाड्या घटनास्थळी दाखल झाल्या असून बचावकार्य अद्यापही सुरु आहे.

आसपासच्या लोकांनी आणि अग्निशमन दलाच्या जवानांनी काही जणांना ढिगाऱ्याखालून काढलं असून काही जण ढिगाऱ्याखाली अडकल्याची भीती व्यक्त केली जात आहे. रेस्क्यू करण्यात आलेल्यांमध्ये तीन लहान मुलं, तीन महिला आणि 10 पुरुषांचा समावेश होता. दरम्यान, या इमारतीत एकूण दोन ते तीन कुटुंब राहत असल्याची शक्यता वर्तवण्यात येत आहे. बचावकार्य अद्याप सुरु आहे. येथील रहिवाशांना तातडीने सुरक्षितस्थळी हलवण्यात येत असून युद्धपातळीवर मदत आणि बचावकार्य सुरु आहे.

काल रात्री मालवणी गेट क्र. ८, मालाड (पश्चिम) येथे इमारत कोसळल्याची घटना घडली. अग्निशमन दलाचे जवान बचाव कार्य करत आहेत.

३ मजली इमारतीचा दुसरा व तिसरा मजला लगतच्या १ मजली चाळीवर कोसळले. या घटनेत १७ व्यक्ती जखमी झाले असून ११ व्यक्तींचे दुर्दैवी निधन झाले आहे. ? pic.twitter.com/Yi4tC27Oe8

— माझी Mumbai, आपली BMC (@mybmc) June 10, 2021

दुर्घटनेत जखमी झालेल्या काहींना उपचारासाठी शताब्दी रुग्णालयात दाखल करण्यात आले आहे. बचावकार्य अद्याप सुरु आहे. घटनास्थळी पोहोचण्यासाठी असलेला रस्ता अरुंद असल्याने बचावकार्यात अडचणी येत आहे. तरीही अग्निशमन दलाच्या जवानांनी बचावकार्य सुरु केले. आजूबाजूच्या घरांनाही धोका असल्याने तेथील रहिवाशांना सुरक्षितस्थळी हलवण्यात आले आहे.

The post मालाडमध्ये तीन मजली इमारत चाळीवर कोसळून मोठी दुर्घटना, 11 जणांचा मृत्यू , 17 जण गंभीर जखमी appeared first on थोडक्यात घडामोडी.