पनवेल : खारघर सेक्टर १५ मधील गुडविल इमारतीसमोर एका स्कूल बसला आग लागल्याची घटना समोर आली आहे. दरम्यान, बस चालकाच्या प्रसंगावधानामुळे या घटनेत कोणतीही जीवितहानी झाली नाही. चालक आणि मदतनीसांनी विद्यार्थ्यांना बाहेर काढल्याने मोठा अनर्थ टळला. ही बस पीपल्स एज्युकेशन सोसायटीची होती. आगीचे कारण अद्याप अस्पष्ट आहे. अग्निशमन दलाला घटनेची माहिती देण्यात आली, त्यानंतर पनवेल अग्निशमन दल घटनास्थळी पोहोचले. त्यांना या आगीवर नियंत्रण मिळवण्यात यश आले आहे.

मिळालेल्या माहितीनुसार, नवी मुंबईतील खारघर येथील पीपल्स एज्युकेशन संस्थेची स्कूल बस विद्यार्थ्यांना शाळेत घेऊन जातं होती. ही स्कूल बस खारघर सेक्टर १५ येथील घरकुल सोसायटीजवळ आली असता अचानक या बसमधून धुर निघू लागला. त्यानंतर बस चालकाने प्रसंगावधान दाखवत बसमधील सर्व विद्यार्थ्यांना सुखरूप बाहेर काढलं. त्यामुळे सर्व विद्यार्थी या दुर्घटनेतून सुखरूप बचावले आहेत.

A school bus carrying students to school caught fire at Kharghar Sector 15.A major disaster was averted as the driver and helpers pulled the students out. This bus belonged to People’s Education Soc. School in CBD. Panvel fire brigade reached the spot.@Navimumpolice @NMMConline pic.twitter.com/Gm1YYlK5GM

— ??.ℝ?? ???? (@Rajmajiofficial) September 12, 2022

The post खारघर येथे स्कूल बसने अचानक घेतला पेट, बस चालकाच्या प्रसंगावधानामुळे मोठा अनर्थ टळला… appeared first on थोडक्यात घडामोडी.

मुंबई : छत्रपती शाहू महाराज संशोधन प्रशिक्षण व मानव विकास संस्था (सारथी), पुणे या संस्थेस नियोजन विभागामार्फत नवी मुंबईतील खारघर सेक्टर 37, मधील 3 हजार 500 चौ.मी.क्षेत्रफळाचा भूखंड देण्याचा निर्णय आज मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री उद्धव ठाकरे होते.

राज्य शासनाने मराठा, कुणबी, कुणबी-मराठा व मराठा-कुणबी यांच्या शैक्षणिक, आर्थिक व सामाजिक उन्नतीसाठी या संस्थेची स्थापना केलेली आहे. सारथी संस्थेमार्फत राज्यातील पुणे, कोल्हापूर, नागपूर, नाशिक, औरंगाबाद, लातूर,अमरावती व मुंबई येथे विभागीय कार्यालय, वसतिगृहे, अभ्यासिका व ग्रंथालय, कौशल्य विकास केंद्र, सैन्य व पोलीस भरती पुर्व प्रशिक्षण केंद्र, जेष्ठ नागरीक समुपदेशन कक्ष, महिला सक्षमीकरण केंद्र इ. सुविधा विकसीत करण्यात येणार आहेत. तसेच विद्यार्थ्यांसाठी 500 मुलांचे व 500 मुलींचे स्वतंत्र निवासी वसतीगृह देखील विकसित करण्यात येईल.

याअंतर्गत नवी मुंबई येथील केंद्रासाठी सिडकोच्या माध्यमातून खारघर सेक्टर 37, मधील 3500.00 चौ.मी.क्षेत्रफळाचा हा भूखंड विशेष बाब म्हणून नाममात्र दराने भाडेपट्ट्याने शासनाच्या नियोजन विभागास देण्यात येणार आहे.

The post सारथी संस्थेस खारघरमध्ये भुखंड उपलब्ध करुन देणार, मंत्रिमंडळ बैठकीत निर्णय appeared first on थोडक्यात घडामोडी.