नवी दिल्ली : ‘आपल्यावरील गुन्ह्याची माहिती लपविणे अथवा चुकीची माहिती दिल्याबद्दल एखाद्याला तडकाफडकी नोकरीवरून काढता येणार नाही,’ असा निकाल सर्वोच्च न्यायालयातील न्या. अजय रस्तोगी आणि न्या. संजीव खन्ना यांच्या खंडपीठाने मंगळवारी दिला. या संदर्भातील दिल्ली उच्च न्यायालयाचा आदेश सर्वोच्च न्यायालयाने रद्द ठरवला.

पवनकुमार नावाच्या व्यक्तीने रेल्वे सुरक्षा दलाविरोधात दाखल केलेल्या याचिकेवरील सुनावणीवेळी न्यायालयाने वरील बाब स्पष्ट केली. पवनची रेल्वे सुरक्षा दलात (आरपीएफ) कॉन्स्टेबल म्हणून निवड झाली होती. मात्र, आरपीएफ प्रशासनाने प्रशिक्षण सुरू असतानाच तडकाफडकी त्याला कमी केल्याचा आदेश काढला. भरती होण्याआधी आपल्याविरोधातील ‘एफआयआर’ची माहिती लपविल्यामुळे त्याच्याविरोधात कारवाई करण्यात आली, असे स्पष्टीकरण ‘आरपीएफ’कडून देण्यात आले.

न्यायालयाने म्हटले आहे की, एखादी व्यक्ती खटल्यात दोषी ठरली की नाही, याचा विचार न करता केवळ तिच्याविरोधातील गुन्ह्याची माहिती लपविल्याबद्दल पेनाच्या फटकाऱ्यासरशी कोणालाही नोकरीवरून काढून टाकता येणार नाही. मात्र, नोकरीला लागण्यापूर्वी प्रत्येकाने आपल्या चारित्र्याबाबतची सत्य माहिती आणि पडताळणी सादर करणे आवश्यकच आहे, असेही खंडपीठाने स्पष्ट केले.

नोकरीला लागण्यापूर्वीच्या एखाद्या तक्रारीबाबतची माहिती एखाद्याने लपवली तरी त्याच्या चारित्र्याविषयीची तथ्ये समजून घेऊन त्याला सेवेत ठेवायचे किंवा कशा स्वरूपाचे काम द्यायचे, याबाबत सेवा नियमांना अनुसरून रोजगारदात्याने निर्णय घ्यावा. ‘पवनकुमार याच्याविरोधातील तक्रारीचे स्वरूप अगदीच किरकोळ आहे. गैरसमजातून ती तक्रार दाखल करण्यात आली होती. त्यामुळे त्याला सेवेतून काढून टाकण्याचा आरपीएफ प्रशासनाचा निर्णय अयोग्य आहे. तो निर्णय योग्य ठरविणारा दिल्ली उच्च न्यायालयाचा निकालही चुकीचा आहे. त्यामुळे तो रद्द करीत आहोत,’ असे खंडपीठाने स्पष्ट केले.

The post गुन्ह्याची माहिती लपविल्याबद्दल नोकरीवरून काढता येणार नाही, सर्वोच्च न्यायालयाचा महत्वपूर्ण निर्णय appeared first on थोडक्यात घडामोडी.

पंजाब : लुधियाना येथून बलात्काराची खळबळजनक घटना समोर आली आहे. एका पोलिस अधिकाऱ्याने नोकरीचे आमिष दाखवून वारंवार बलात्कार केल्याचा आरोप एका महिलेने केला आहे. अधिकाऱ्यावर केलेल्या या गंभीर आरोपानंतर पोलिस विभागात खळबळ उडाली आहे. पीडित महिला राष्ट्रीय वेटलिफ्टिंग खेळाडू असून तिने पोलिस आयुक्तांकडे न्याय मागितला आहे. त्यांनी या प्रकरणाच्या संपूर्ण चौकशीचे आश्वासन दिले आहे.

पीडित महिलेने आरोप केले आहेत की संबंधित पोलिस अधिका्याने तिला क्रीडा कोट्यात सरकारी नोकरी मिळवून देण्याचे आश्वासन दिले होते. नोकरी मिळवून देण्याच्या बहाण्याने तो तिला वारंवार हॉटेलमध्ये बोलावून तिच्यावर बलात्कार करत होता. इतकेच नाही तर आरोपी पोलिस अधिकाऱ्याने तिचा अश्लील व्हिडिओही बनविला असल्याचे पीडितेने सांगितले. या व्हिडिओच्या माध्यमातून तो तिला ब्लॅकमेल करत राहिला आणि तिच्यावर वारंवार बलात्कार करत राहिला. काही काळानंतर हा आरोपी खोटे बोलत असल्याचे पीडित महिलेला समजले, तेव्हा पीडित महिलेने त्याला विरोध केला. परंतु, त्यानंतर त्याने महिलेला तिचा अश्लील व्हिडिओ दाखवून ब्लॅकमेल करायला सुरुवात केली आणि तिच्यावर बलात्कार करत राहिला.

सेक्स डॉल मार्गोला बॉडीबिल्डर युरीने दिला घटस्फोट, आता महिलेबरोबर डेट करण्यास तयार पण..

महिलेने आरोप केल्यानंतर प्रकरणाचे गांभीर्य लक्षात घेऊन पोलिस आयुक्तांनी तात्काळ एका महिला अधिकाऱ्याची नेमणूक करून संपूर्ण प्रकरणाची चौकशी करण्याचे आदेश दिले आहेत. या आरोपांची पुष्टी झाल्यास योग्य कारवाईही केली जाईल, असे आश्वासन देखील त्यांनी दिले आहे.

महिलेने पतीची हत्या करून मृतदेह किचनमध्ये पुरला, स्वतःच्या लहान मुलीसमोर केलं भयंकर कृत्य…

The post पोलिस अधिकाऱ्याने नोकरीचे आमिष दाखवून केला बलात्कार, महिला खेळाडूचे गंभीर आरोप appeared first on थोडक्यात घडामोडी.