बाथरुममध्ये चार्जिंगला लावलेला आयफोन बाथटबमध्ये पडल्याने २४ वर्षीय तरुणीचा मृत्यू झाल्याची दुर्दैवी घटना घडली आहे. ही घटना रशियामधील आर्खांगेल्स्क शहरात घडली असून ओलेस्या सेमेनोवा असं मृत तरुणीचं नाव आहे.

२४ वर्षीय ओलेस्या सेमेनोवा आपली मैत्रिण डारियासोबत राहत होती. ओलेस्या एका कपड्यांच्या दुकानात कामाला होती. मंगळवारी डारिया घरी पोहोचली तेव्हा ओलेस्या तिला घरात दिसली नाही. पण जेव्हा ती बाथरुममध्ये गेली तेव्हा तिला धक्काच बसला. डारियाने सांगितलं कि, “मी ओलेस्याला बघून जोरात किंचाळले, ती पूर्ण पिवळी पडली होती आणि श्वासही घेत नव्हती. मी प्रचंड घाबरले होते, तिला हलवण्यासाठी मी तिला स्पर्श करण्याचा प्रयत्न केला तर मला वीजेचा जोरात झटका लागला. तिचा फोन पाण्यात पडला होता आणि चार्जिंगला लावलेला होता.”

ओलेस्याने फोन चार्जिंगसाठी ज्या सॉकेटचा वापर केला होता, ती मेन लाईन होती आणि तिचा आयफोन-८ पाण्यात पडला होता. ओलेस्याचा मृत्यू वीजेच्या झटक्यामुळे झाल्याचं मृत्यूनंतरच्या तपासणीत स्पष्ट झालं.

The post चार्जिंगला लावलेला आयफोन बाथटबमध्ये पडल्याने तरुणीचा मृत्यू appeared first on थोडक्यात घडामोडी.

फेस्टिव सीजन सेल मध्ये सर्वच कंपन्या आपल्या स्मार्टफोन्सवर ऑफर देत आहेत. आयफोन खरेदी करण्यासाठी चांगली संधी आहे. ई-कॉमर्स साइट फ्लिपकार्टवर फेस्टिव सीजन सेल मध्ये iPhone SE 2020 पासून iPhone 11 Pro पर्यंत सर्वात कमी किंमतीत फोन खरेदी करता येवू शकतो.

iPhone SE 2020 यावर्षी लाँच करण्यात आला आहे. या फोनमध्ये हार्डवेयर आयफोन ८ सारखा आहे. परंतु, परफॉर्मन्स अनेक पटीने चांगला आहे. फ्लिपकार्टवर ४२ हजार ५०० रुपयांच्या किंमतीचा हा फोन या सेलमध्ये केवळ २५ हजार ९९९ रुपयांत खरेदी करता येणार आहे. तसेच SBI डेबिट कार्ड, SBI क्रेडिट कार्ड आणि Yono SBI वरून पेमेंट केल्यास ग्राहकांना १० टक्के तात्काळ डिस्काउंट मिळणार असून हा फोन केवळ २३ हजार ४०० रुपयांत खरेदी करता येवू शकतो.

अॅपलचा iPhone XR देखील फ्लिपकार्टवर बिग बिलियन डेजमध्ये डिस्काउंट मध्ये खरेदी करण्याची संधी आहे. हा फोन मोठ्या LCD डिस्प्ले आणि A12 Bionic चिपसेट सोबत येतो. या फोनवर १४ हजार ५०० रुपयांचा फ्लॅट डिस्काउंट दिला जात आहे. ५२ हजार ५०० रुपयांचा ओरिजनल किंमत असलेला हा आयफोन ग्राहकांना ३७ हजार ९९९ रुपयांत खरेदी करता येवू शकतो. तसेच SBI डेबिट कार्ड, SBI क्रेडिट कार्ड आणि Yono SBI वरून पेमेंट केल्यास ग्राहकांना १० टक्के तात्काळ डिस्काउंट मिळणार असून हा फोन केवळ ३४ हजार २०० रुपयांत खरेदी करता येवू शकतो.

iPhone 11 Pro या ट्रिपल कॅमेरा सेटअप सोबत येणाऱ्या पॉवरफुल फोनची किंमत १ लाख ६ हजार ६०० रुपये आहे. बिग बिलियन डेज सेलमध्ये हा फोन ७९ हजार ९९९ रुपयांत खरेदी करता येवू शकतो. तसेच SBI डेबिट कार्ड, SBI क्रेडिट कार्ड आणि Yono SBI वरून पेमेंट केल्यास ग्राहकांना १० टक्के तात्काळ डिस्काउंट मिळणार असून हा फोन केवळ ७२ हजारांत खरेदी करता येणार आहे.

The post फ्लिपकार्ट फेस्टिव सीजन सेल : २४ हजारांपेक्षा कमी किंमतीत खरेदी करा iPhone appeared first on थोडक्यात घडामोडी.