मुंबई  : आज जागतिक बाजारात कच्च्या तेलाच्या किमतीत वाढ दिसून येत आहे. ब्रेंट क्रूड पुन्हा एकदा प्रति बॅरल 108 डॉलरच्या वर गेले आहे. दरम्यान, सरकारी तेल कंपन्यांनी पेट्रोल आणि डिझेलचे नवे दर जाहीर केले आहेत. मंगळवारीही कंपन्यांनी दरात बदल केलेला नाही.

तेल कंपन्यांनी 6 एप्रिलला पेट्रोल आणि डिझेलच्या दरात शेवटची वाढ केली होती. त्यानंतर जवळपास महिनाभर दरात कोणताही बदल झालेला नाही. देशातील चार महानगरांसह सर्व प्रमुख शहरांमध्ये तेलाच्या किमती स्थिर आहेत. राजधानी दिल्लीत पेट्रोल 105.41 रुपये आणि मुंबईत 120.51 रुपये प्रति लिटरने विकले जात आहे. जर क्रूडची किंमत 110 डॉलरच्या वर गेली तर कंपन्या पेट्रोल आणि डिझेलच्या किमती देखील वाढवू शकतात.

1. मुंबईत पेट्रोल 120.51 रुपये आणि डिझेल 104.77 रुपये प्रति लीटर
2. दिल्लीत पेट्रोल 105.41 रुपये आणि डिझेल 96.67 रुपये प्रति लीटर
3. चेन्नईमध्ये पेट्रोल 110.85 रुपये आणि डिझेल 100.94 रुपये प्रति लीटर
4. कोलकातामध्ये पेट्रोल 115.12 रुपये आणि डिझेल 99.83 रुपये प्रति लीटर

पेट्रोल-डिझेल दर तुम्ही SMS द्वारेही (How to check Diesel Petrol Price Daily) जाणून घेऊ शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. IOCL च्या वेबसाइटवर तुम्हाला हा कोड मिळेल.

देशातील तीन ऑईल मार्केटिंग कंपन्या HPCL, BPCL आणि IOCL रोज सकाळी 6 वाजता पेट्रोल-डिझेलचे नवे दर जाहीर करतात. पेट्रोल-डिझेल दरात एक्साइज ड्यूटी, डिलर कमीशन आणि इतर गोष्टी जोडल्यानंतर याचा किंमत दुप्पट होते.

The post कच्च्या तेलाच्या दरात वाढ, पेट्रोल-डिझेलचे दरही वाढले जाणून घ्या नवे दर. appeared first on थोडक्यात घडामोडी.

नवी दिल्ली : आता देशभरातील इंडियन ऑईलच्या 30 हजार पेट्रोल पंपांवर मोजमाप करण्यात कोणतीही फसवणूक होणार नाही. इंडियन ऑइल (IOCL) ने अशा प्रणालीचा दावा केला आहे की ज्याद्वारे सर्व पेट्रोल पंपांचे केंद्रीय पातळीवर परीक्षण म्हणजेच मॉनिटरिंग केले जाईल.

सरकारी तेल कंपनी IOCL ने ग्राहकांची धास्ती दूर करण्यासाठी देशभरातील 30 हजाराहून अधिक पंप स्वयंचलित (ऑटोमॅटिक) केले आहेत. कंपनीने दावा केला आहे की यामुळे ग्राहकांकडून योग्य किंमत आकारली जाईल. तसेच पेट्रोल आणि डिझेलही पूर्ण उपलब्ध होतील. इतकेच नाही तर जेव्हा ग्राहक आपल्या गाडीत तेल भरण्यासाठी येईल, तेव्हा याची खात्री असेल की मीटर शून्यापासूनच सुरू होईल.

देशभरातील बरेच ग्राहक तक्रारी करत असतात की पेट्रोल पंपांवर त्यांच्याबरोबर फसवणूक केली जाते. पंप मालक कमी तेल वितरीत करण्यासाठी विविध तंत्राचा अवलंब करतात. अशा तक्रारींवर लक्ष ठेवण्यासाठी इंडियन ऑइल आता पंपांची रिअल टाइम मॉनिटरिंग सुनिश्चित करणार आहे. कंपनीने ट्विटरवर याबाबत माहिती देताना म्हटले आहे की पेट्रोल पंपावर उपस्थित सर्व्हरवर मॉनिटरिंगची पुष्टी केली गेली आहे. डिस्पेंसर मशीनने करण्यात येणारे प्रत्येक वितरण शून्यापासून सुरू करण्याची खात्री आहे. ग्राहकांच्या तक्रारी दूर करण्यासाठी कंपनीने मोठा पुढाकार घेतला आहे.

Proud to announce that over 30,000 #IndianOil petrol pumps are now automatic. Ensuring correct quantity and correct price charged, through real time monitoring at server available at petrol pump. Each new delivery from dispenser is ensured to start from Zero. pic.twitter.com/2BdNUkMTrq

— Indian Oil Corp Ltd (@IndianOilcl) July 13, 2021

The post मापात पाप? आता नाही! पेट्रोल पंपांवर आता होणार नाही कोणतीही फसवणूक appeared first on थोडक्यात घडामोडी.