JEE Advanced 2022 Result : IIT-Bombay ने आज 11 सप्टेंबर रोजी सकाळी 10 वाजता संयुक्त प्रवेश परीक्षा (JEE Advanced 2022) 2022 चा निकाल जाहीर केला आहे. या परीक्षेत बसलेले उमेदवार त्यांचे JEE Advanced स्कोअरकार्ड अधिकृत वेबसाइट jeeadv.ac.in वर तपासू शकतात. मुंबईच्या आरके शिशिरने अव्वल क्रमांक पटकावला.

यावर्षी, JEE Advanced 2022 साठी एकूण 1,56,089 उमेदवारांनी परीक्षा दिली. आता निकाल जाहीर झाला असून, जागा वाटपाची प्रक्रिया १२ सप्टेंबरपासून सुरू होऊ शकते. JEE Advanced 2022 ची अंतिम उत्तर की 3 सप्टेंबर रोजी प्रसिद्ध झाली. ३ सप्टेंबर ते ४ सप्टेंबर या कालावधीत अंतिम उत्तरपत्रिकेवर उमेदवारांनी आक्षेप घेतला होता.

JEE Advanced निकाल तारीख आणि वेळ
11 सप्टेंबर रोजी सकाळी 10 वाजता जेईई प्रगत निकाल 2022 घोषित करण्यात आला. अधिकृत पोर्टल jeeadv.ac.in वर लॉग इन करून उमेदवार त्यांचे स्कोअरकार्ड तपासू शकतात. JEE Advanced परीक्षा २८ ऑगस्टला झाली होती. या परीक्षेसाठी सुमारे अडीच लाख विद्यार्थ्यांनी अर्ज केले होते. मात्र केवळ १.५६ लाख उमेदवार परीक्षेला बसले होते. ही परीक्षा 124 शहरांमधील 577 केंद्रांवर घेण्यात आली.

सर्व 23 इंडियन इन्स्टिट्यूट ऑफ टेक्नॉलॉजी (IIT) मध्ये एकूण 16,598 जागा आहेत, ज्यासाठी ही परीक्षा घेण्यात आली होती. गेल्या वर्षीच्या तुलनेत यंदा जागांच्या संख्येत वाढ झाली आहे. तसेच महिला उमेदवारांसाठी 1,567 अतिरिक्त जागा राखीव ठेवण्यात आल्या आहेत. एकूण जागांची संख्या 2021 मधील 16,232 वरून यावर्षी 16,598 पर्यंत वाढली आहे.

JEE Advanced Result 2022 कसे तपासायचे?

• अधिकृत वेबसाइट jeeadv.ac.in 2022 वर जा किंवा result.jeeadv.ac.in 
• होमपेजवरील JEE Advanced निकालाच्या लिंकवर क्लिक करा.
• नोंदणी क्रमांक, जन्मतारीख आणि मोबाइल क्रमांक प्रविष्ट करा आणि सबमिट बटणावर क्लिक करा.
• स्क्रीनवर JEE Advanced स्कोअरकार्ड दिसेल.
• डाउनलोड करा आणि प्रिंटआउट घ्या.

मुंबईच्या आरके शिशिरने अव्वल क्रमांक पटकावला.

रँक 1: आरके शिशिर

रँक 2: पोलू लक्ष्मी साई लोहित रेड्डी

रँक 3: थॉमस बिजू चिरामवेलि

राक ४: वांगपल्ली साई सिद्धार्थ

रँक 5: मयंक मोटवानी

रँक 6: पोलीसेटी कार्तिकेय

रँक 7: प्रतीक साहू

रँक 8: धीरज कुरुकुंड

रँक 9: महित गढ़ीवाला

रँक 10: वेत्चा ज्ञान महेश

The post JEE Advanced 2022 परीक्षेचा निकाल जाहीर appeared first on थोडक्यात घडामोडी.

आयआयटी (IIT)मद्रास मधील 66 विद्यार्थ्यांचा आणि 5 कर्मचा-यांचा कोरोना अहवाल पॉसिटीव्ह आला आहे. राज्य सरकारच्या आदेशानुसार अंतिम वर्षाच्या विद्यार्थ्यांसाठी 7 डिसेंबर रोजी इन्स्टिट्यूट सुरू केली होती. आता सर्व विभाग बंद करण्यात आले आहेत.

रिपोर्टनुसार, सुरुवातीला दोन केस 1 डिसेंबर रोजीच कॅम्पसमध्ये आढळून आल्या. यानंतर 10 डिसेंबर आणि 14 डिसेंबर रोजी आणखी काही कोरोना अहवाल पॉसिटीव्ह आले. तीन दिवसांत येथे 55 प्रकरणे समोर आली आहेत. त्यानंतर या परिसराला कोविड हॉटस्पॉट घोषित करण्यात आले.

मिळालेल्या माहितीनुसार, सध्या कॅम्पसमध्ये 774 विद्यार्थी आहेत. प्रत्येकाच्या चाचण्या घेतल्या जात आहेत आणि त्यांना बाहेर जाण्यास सक्त मनाई आहे. कृष्णा आणि जमुना या दोन वसतिगृहांमध्ये जास्तीत जास्त प्रकरणांची नोंद आहे. या व्यतिरिक्त काही प्राध्यापक व मेसचे कर्मचारी देखील संसर्गग्रस्त असल्याचे आढळले आहे.

The post IIT मद्रास मधील 66 विद्यार्थी आणि 5 कर्मचारी कोरोना पॉसिटीव्ह, कॅम्पसमध्ये 774 विद्यार्थी appeared first on थोडक्यात घडामोडी.