नवी दिल्ली : महागाईने गुरुवारी सकाळी सर्वसामान्यांना आणखी एक झटका दिला. या महिन्यात दुसऱ्यांचा एलपीजी सिलेंडरच्या किंमतीत वाढ झाली आहे. घरगुती सिलेंडरसह व्यावसायिक सिलेंडरच्या किमती देखील वाढल्या आहेत. १४ किलोच्या घरगुती सिलेंडरच्या किमतीत ३.५० रुपयांनी वाढ झाली आहे.

आजपासून दिल्लीत १४.२ किलोच्या घरगुती सिलेंडरची किमत १ हजार ३, मुंबईत १ हजार २ रुपये ५० पैसे, कोलकातामध्ये १ हजार २९ रुपये, तर चेन्नईत १ हजार १८ रुपये ५० पैसे इतकी झाली आहे. या महिन्यात घरगुती सिलेंडरची किमत वाढण्याची ही दुसरी वेळ आहे. याआदी ७ मे रोजी सिलेंडरची किमत ५० रुपयांनी वाढवण्यात आली होती.

घरगुती सिलेंडर सोबत १९ किलोचा व्यावसायिक सिलेंडर देखील महाग झाला आहे. त्याच्या किमतीत ८ रुपयांनी वाढ करण्यात आली असून यामुळे दिल्लीत त्याची किमत २ हजार ३५४, मुंबईत २ हजार ३०६, कोलकातामध्ये २ हजार ४५४ आणि चेन्नईत २ हजार ५०७ रुपये इतकी झाली आहे. आजच्या किमत वाढीमुळे संपूर्ण देशात १४.२ किलोचा घरगुती सिलेंडरची किमत १ हजारच्या पुढे गेली आहे.

The post गॅस सिलेंडरच्या किंमतीत पुन्हा वाढ, महागाईने सर्वसामान्यांचे कंबरडे मोडले… appeared first on थोडक्यात घडामोडी.

नवी दिल्ली : घरगुती एलपीजी गॅस सिलेंडरच्या किमतीत पुन्हा वाढ झाली आहे. आज एलपीजी सिलेंडरमध्ये ५० रुपयांची वाढ झाली आहे. देशात पेट्रोल आणि डिझेलच्या वाढत्या किमतींमुळे आधीच जनता त्रासलेली असतानाच सिलिंडरच्या दरात ही वाढ झाली आहे. एलपीजीच्या दरवाढीमुळे भारतातील सर्वसामान्यांच्या त्रासात भर पडणार आहे. 14.2 किलोच्या विनाअनुदानित घरगुती गॅस सिलिंडरची किंमत आजपासून 999.50 रुपये प्रति सिलिंडर असेल.

देशाची राजधानी नवी दिल्लीत घरगुती गॅसचा दर ९९९ रुपये ५० पैसे इतका झाला आहे. नवे दर आजपासून लागू करण्यात आले आहेत. २२ मार्चला यापूर्वी ५० रुपयांची दरवाढ करण्यात आली होती. एप्रिल महिन्यात घरगुती गॅसचे दर वाढवण्यात आले नव्हते.

या महिन्याच्या सुरुवातीला व्यावसायिक एलपीजी सिलिंडरच्या किमती वाढवण्यात आल्या होत्या. 1 मे रोजी 19 किलोच्या व्यावसायिक एलपीजी सिलिंडरची किंमत 102.50 रुपयांनी वाढून 2355.50 रुपयांवर पोहोचली, जी पूर्वी 2253 रुपये होती. तसेच, 5 किलोच्या एलपीजी व्यावसायिक सिलिंडरची किंमत 655 रुपये करण्यात आली आहे.

रशिया-युक्रेनच्या परिस्थितीचा परिणाम म्हणून पेट्रोल आणि पेट्रोलियम उत्पादनांच्या अलीकडील किंमतीतील वाढ जागतिक ऊर्जा किंमतींमध्ये तीव्र वाढ झाली आहे.

The post घरगुती गॅस सिलेंडरच्या किमतीत पुन्हा वाढ, सर्वसामान्यांच्या खिशाला कात्री appeared first on थोडक्यात घडामोडी.