मुंबई : मुंबईतील वाडिया रुग्णालयाच्या पहिल्या मजल्यावर भीषण आग लागली आहे. घटनेची माहिती मिळताच अग्निशमन दलाच्या आठ गाड्या घटनास्थळी दाखल झाल्या आहेत. आग विझवण्याचे शर्थीने प्रयत्न सुरु आहेत.

परळच्या वाडिया हॉस्पिटलमध्ये आज संध्याकाळी ७ च्या सुमारास आग लागली. नागरी आपत्ती व्यवस्थापनाच्या अधिकाऱ्यांनी दिलेल्या माहितीनुसार पहिल्या मजल्यावरील बंद बालरोग ओटीमध्ये आग लागली. सुदैवाने या घटनेत कोणतीही जीवितहानी झालेली नाही. वाडिया रुग्णालयाच्या पहिल्या मजल्यावर ऑपरेशन थिएटर आहे. त्याच भागात आग लागल्याची प्राथमिक माहिती समोर आली आहे. आग नेमकी कशी लागली ते अद्याप स्पष्ट झालेलं नाही. आगीची लोळ व धुराचे लोट परिसरात पसरले आहेत.

The post मुंबईतील वाडिया हॉस्पिटलमध्ये भीषण आग appeared first on थोडक्यात घडामोडी.