मुंबई : लातूर लोकसभेचे माजी खासदार प्रोफेसर डॉक्टर सुनील बळीराम गायकवाड यांना कृष्णा चव्हाण फाउंडेशन, मुंबई यांच्याकडून दिला जाणारा अत्यंत सन्मानाचा “लेजंड दादासाहेब फाळके पुरस्कार, २०२२” मिळाला आहे. हा पुरस्कार मुंबई येथे 4 मे रोजी एका शानदार पुरस्कार समारोह कार्यक्रमात त्यांना दिला जाणार आहे.

डॉ. सुनील बळीराम गायकवाड यांनी सोळाव्या लोकसभेत अनेक महत्त्वपूर्ण कामे केली. लोकसभा मतदार संघात विकास कामे तर केलीच, परंतु देश पातळीवरील अनेक प्रश्न लोकसभेत मांडण्याचे काम केले. विदेशात ही भारताचे प्रतिनिधित्व करण्याचे काम केले. प्रामुख्याने भारत सरकारच्या “इन्फॉर्मेशन टेक्नॉलॉजी स्टॅंडिंग कमिटीच्या” सदस्यपदी असताना देशामध्ये ऑप्टिकल फायबर चे काम आणि एमटीएनएल बीएसएनएलच्या मोबाईल नेटवर्कसाठी विशेष प्रयत्न करून महत्त्वपूर्ण काम केले आणि लातूर लोकसभा मतदारसंघात रेल्वेनी पाणी आणले, रेल्वे बोगी कारखाना, अनेक नवीन रेल्वे सुरू केल्या. पासपोर्ट कार्यालय, पोस्टाचे विभागीय कार्यालय ,नीट एक्झाम सेंटर, आदी महत्त्वपूर्ण कामाबरोबर लातूर शहरांमध्ये “सुपर स्पेशलिटी हॉस्पिटल” रत्नागिरी ते नागपूर, राष्ट्रीय महामार्ग टेंभुर्णी ते लातूर राष्ट्रीय महामार्ग, अशा अनेक कामाचा पाठपुरावा करून त्यांनी जनतेची सेवा केली आहे.

या सर्व कामाची दखल घेऊन कृष्णा चव्हाण फाउंडेशन (केसीएफ) मुंबई या संस्थेकडून लेजंड दादासाहेब फाळके अवॉर्ड मान्यवराच्या हस्ते दिला जाणार आहे. या कार्यक्रमासाठी डॉ. सुनील गायकवाड यांना हा पुरस्कार तर दिलाच आहे, परंतु या कार्यक्रमासाठी त्यांना मुख्य अतिथी म्हणून निमंत्रित करण्यात आले आहे. डॉक्टर गायकवाड यांना अनेक पुरस्कार मिळालेले आहेत बॉलीवुड क्षेत्रातील हा मानाचा पुरस्कार त्यांनी केलेल्या विशेष कामगिरीबद्दल याठिकाणी दिला जाणार आहे. त्याबद्दल त्यांच्या मित्र परिवाराकडून डॉक्टर गायकवाड यांचे अभिनंदन केले जात आहे.

The post डॉ. सुनील गायकवाड यांना लेजंड दादासाहेब फाळके पुरस्कार घोषित appeared first on थोडक्यात घडामोडी.

निलंगा : निलंगा येथील हिंदू-मुस्लिम ऐक्याचे प्रतिक असलेले देवस्थान हजरत दादापीर दर्गा शरीफ यांच्या 410 व्या उर्स निमित्ताने आज कोरोनाच्या नियमांचे पालन करत चारचाकी वाहनातून सँदल (मिरवणूक)काढण्यात आली. त्यामध्ये विशेषतः दर्गा हजरत दादापीर चे सज्जादा नशीन सय्यद करीमउल्लाह नबीरा खादरी यांच्या अध्यक्षतेखाली लातूरचे माजी खासदार प्रोफेसर डॉ. सुनील बळीराम गायकवाड आणि निलंगा विधान सभेचे इच्छुक उमेदवार माजी पंचायत समिती सभापती अजितराव माने हे उर्सच्या संदल मिरवणुकीत विशेष प्रमुख पाहुणे म्हणून उपस्थित होते.

हजरत दादापीर दर्गा देवस्थान येथे डॉ. सुनील गायकवाड यांच्या सोबत पंचायत समितीचे माजी सभापती तथा निलंगा विधानसभाचे भावी आमदार अजित माने यांनी दर्शन घेतले. यावेळी अनेकजण उपस्थित होते. कार्यक्रमाला उपस्थित राहून खूप आनंद झाला, कोरोनाच्या नियमानुसार उर्स निमित्त यात्रा महोत्सव रद्द करून सामाजिक कार्यक्रम या ठिकाणी करत आहेत.
मी देशाचे लोकप्रिय पंतप्रधान नरेंद्र मोदीजी यांना उदंड आरोग्य व निरोगी जीवन लाभावे यासाठी विशेष प्रार्थना करून हजरत दादापीर दर्गा शरीफ यांना साकडे घातले, असे माजी खासदार डॉ सुनील बळीराम गायकवाड यांनी यावेळी सांगितले. कार्यक्रमाला प्रा दयानंद चोपणे, गणराज्यचे रामलिंग पटसाळगे, तसेच अनेक हिंदू मुस्लिम लोकांची उपस्थिती होती.

The post हजरत दादापीर दर्गा शरीफ यांच्या 410 व्या उर्स निमित्ताने मा.खा. डॉ सुनील गायकवाड निलंगा मिरवणुकीत सामील appeared first on थोडक्यात घडामोडी.

मुंबई : लातूर लोकसभेचे माजी खासदार डॉ सुनील बळीराम गायकवाड यांची दिल्ली च्या डॉ आंबेडकर परिनिर्वाण भूमि सम्मान- कार्यक्रम समिती च्या कार्यकारिणी वर नियुक्ती करण्यात आली आहे. डॉ आंबेडकर परिनिर्वाण भूमि सम्मान- कार्यक्रम समिती ( रजि.)दिल्ली चे राष्ट्रीय अध्यक्ष इंद्रेश गजभिये यांनी नियुक्ती पत्र दिले आहे.

भारतरत्न डॉ बाबासाहेब आंबेडकर महापरिनिर्वाणभूमी ( निधन स्थळ) २६ अलीपुर रोड दिल्लीच्या सर्वांगीण सम्मानासाठी विकासासाठी ही समिती १५ वर्षापूर्वी गठीत करून नोंदणीकृत केलेली आहे. सोबतच दलितांच्या उद्धारासाठी समितीच्या अंतर्गत “नॅशनल दलीत महापंचायत”(एन. डी. एम.) चे ही १५ वर्षापासून स्थापना केलेली आहे. या दोन्ही संस्थेच्या राष्ट्रीय कार्यकारिणी च्या सदस्य पदी माजी खासदार प्रोफेसर डॉ. सुनील बळीराम गायकवाड यांची नियुक्ती झाल्या बद्दल त्यांनी केलेल्या आज पर्यंतच्या सामाजिक कामाची ही पावतीच मिळाली आहे.

डॉ सुनील बळीराम गायकवाड हे, १६ व्या लोकसभेत प्रचंड मतांनी विजयी झाल्यानंतर लोकसभेत शपथ घेताना भारताच्या इतिहासात पहिल्यादाच शपथ घेतल्यानंतर लोकसभेच्या सभागृहात बुलंद आवाजात जयभीम चा जयघोष केलेले पहिले खासदार म्हणून त्यांची इतिहासात नोंद झालेली आहे. लोकसभेमध्ये दलितांसंदर्भात अनेक विषय मांडले. प्रामुख्याने भारत देशातील शासकीय वाचनालयाला भारतरत्न डॉ. बाबासाहेब आंबेडकर यांचे नाव द्यावे अशी मागणी, अनुसूचित जाती जनजातीच्या अट्रोसीटीच्या कायद्यावर लोकसभेत केलेले भाषण, महाराष्ट्र मध्ये घडलेल्या दलीत अत्याचारावर शून्य प्रहार मध्ये लोकसभेत मांडलेले विषय, अशा लोकप्रतिनिधीच्या कार्याची दखल घेऊन डॉ. आंबेडकर परिनिर्वाण भूमि सम्मान- कार्यक्रम समिती वर कार्यकारिणी सदस्य म्हणून नियुक्ती झाल्या बद्दल त्यांचे सर्वत्र अभिनंदन होत आहे.

या समिती मध्ये माजी केंद्रीय मंत्री डॉ सत्यनारायण जटीया, चरण सिंह आटवाल, केंद्रिय राज्यमंत्री अर्जुन मेघवाल, केंद्रीय राज्यमंत्री रामदास आठवले,पी. एल पूनिया, डॉ उदित राज, टी एम कुमार, आत्माराम भाई परमार, राजेश बग्गा,वसंत बोले, डॉ कंवर सेन, पूर्व केंद्रीय मंत्री संघप्रिय गौतम, जयांतिभाई परमार, रामचरण गुजराती, मदनलाल सांखला, प्रकाश वर्मा, जोगेश्वर गर्ग, विनीत नागले, आदी देशातील आंबेडकरी चळवळीतील मान्यवर या समिती मध्ये आहेत.

The post माजी खासदार डॉ सुनील गायकवाड यांची दिल्लीच्या डॉ आंबेडकर परिनिर्वाण भूमि सम्मान- समिती च्या कार्यकारिणी वर नियुक्ती appeared first on थोडक्यात घडामोडी.