रत्नागिरी : रत्नागिरी जिल्ह्यातील दापोलीत आज (२५ ऑगस्ट) सकाळी दोन एसटी बसचा भीषण अपघात झाला. दोन बसची समोरासमोर धडक होऊन झालेल्या या अपघातात 25 प्रवासी जखमी झाले आहेत. तर एक बस चालक गंभीर जखमी झाला आहे. एका एसटीचे स्टेअरिंग लॉक झाल्याने हा अपघात झाल्याची प्राथमिक माहिती मिळाली आहे.

बोरिवली – दापोली एसटी दापोलीकडे येत असताना दापोलीकडून मुरतपूरकडे जाणाऱ्या बसची मौजे दापोली वळणावर समोरासमोर धडक झाली. दोन्ही गाड्यांची समोरासमोर धडक झाल्यामुळे एका एसटीचा चालक गंभीर जखमी झाला आहे. या अपघातात शाळेत जाण्यासाठी निघालेले विद्यार्थीदेखील जखमी झाले आहेत. या सर्व जखमींना दापोली उपजिल्हा रुग्णालयात दाखल करण्यात आले असून त्यांच्यावर उपचार सुरु आहेत.

The post दापोलीत दोन बसची समोरासमोर धडक, विद्यार्थ्यांसह 25 प्रवासी जखमी, एक बस चालक गंभीर जखमी appeared first on थोडक्यात घडामोडी.

दापोली तालुक्यातील आंजर्ले समुद्रकिनारी पुण्यातील तीन पर्यटकांचा बुडून मृत्यू झाला. शुक्रवारी दुपारी तीनच्या सुमारास ही दुर्दैवी घटना घडली. मृतांमध्ये अक्षय राखेलकर, विकास श्रीवास्तव, मनोज गावंडे यांचा समावेश आहे. उबेद खान, सोहम चव्हाण, रोहित पलांडे यांना वाचवलं गेलं असून यांच्यावर आंजर्ले येथील प्राथमिक आरोग्य केंद्रात उपचार सुरू आहेत.

पुणे जिल्ह्यातील औंध येथील एका कंपनीत कामाला असलेले १४ जण आज दापोलीत पर्यटनाकरिता आले होते. हे सर्वजण सकाळी साडेनऊ वाजता आंजर्ले येथील समुद्र पाहण्याकरिता गेले. तेथे समुद्रात पोहायला गेल्यानंतर सहा जणांना पाण्याचा अंदाज न आल्याने ते खोल समुद्रात ओढले गेले. आरडाओरड झाल्यानंतर या सहा जणांना वाचविण्यासाठी स्थानिक लोकांनी शर्थीचे प्रयत्न केले. पण किनाऱ्यावर येण्यापूर्वीच त्यापैकी तीन जणांना आपले प्राण गमवावे लागले, तर एकाची प्रकृती गंभीर आहे.

मदतकार्यामध्ये अभिनय केळसकर, नितेश देवकर, नीलेश गुहागरकर, तृशांत भाटकर, अभिजीत भाटकर, बाळा केळसकर, आवा मयेकर, दीपा आरेकर, पपू केळसकर हे मदतीसाठी धावून आले. त्यामुळे सहापैकी तीन जणांचे जीव वाचविण्यात यश आले.

The post आंजर्ले समुद्रकिनारी पुण्यातील तीन पर्यटकांचा बुडून मृत्यू appeared first on थोडक्यात घडामोडी.