ठाणे : मोटारसायकल खांबावर आदळल्याने झालेल्या अपघातात एका 30 वर्षीय व्यक्तीचा मृत्यू झाला आहे. ठाणे शहरातील घोडबंदर रोडवर आज पहाटेच्या सुमारास हा भीषण अपघात घडला. मोटारसायकलस्वाराचे वाहनावरील नियंत्रण सुटल्याने ती खांबाला आदळली आणि दुचाकीने पेट घेतला. मीरा रोड भागातील ही व्यक्ती आपल्या मोटारसायकलवरून घोडबंदर रोडवरून ठाण्याच्या दिशेने जात असताना मेट्रो मार्गाच्या एका खांबावर आदळून हा अपघात झाला.

अपघाताची माहिती मिळताच पोलिसांनी घटनास्थळी धाव घेतली. त्यानंतर त्यांनी अपघातग्रस्त व्यक्तीचा मृतदेह शवविच्छेदनासाठी पाठविण्याच्या हालचाली सुरू केल्या. मृत व्यक्तीची ओळख अद्याप पटलेली नाही. ठाणे महापालिकेच्या आपत्ती व्यवस्थापन कक्षाचे प्रमुख यासिन तडवी यांनी सांगितले की, पहाटे 5.30 च्या सुमारास अपघाताबाबत अधिकाऱ्यांना सूचना देण्यात आली. ते म्हणाले कि, “धडकेमुळे मोटारसायकलला आग लागली आणि ती पूर्णपणे जळून खाक झाली.”

दरम्यान, माहिती मिळताच स्थानिक अग्निशमन दलाचे कर्मचारी आणि आपत्ती व्यवस्थापन कक्षाच्या सदस्यांनी घटनास्थळी धाव घेत आग विझवली. मृतदेह पोस्टमॉर्टमसाठी सरकारी रुग्णालयात पाठवण्यात आला.

The post ठाणे : खांबावर आदळल्यानंतर मोटारसायकलने घेतला पेट, 30 वर्षीय तरुणाचा दुर्दैवी मृत्यू appeared first on थोडक्यात घडामोडी.

मुंबई : इलेक्ट्रिक स्कूटरला आग लागण्याच्या घटनांनंतर आता इलेक्ट्रिक कारला आग लागली आहे. भारतातील सर्वाधिक विकले जाणारे इलेक्ट्रिक वाहन Tata Nexon EV ने पेट घेतल्याची घटना समोर आली आहे. या घटनेचा व्हिडिओ आता सोशल मीडियावर व्हायरल होत आहे. व्हिडिओमध्ये पांढऱ्या रंगाची टाटा नेक्सॉन ईव्ही आगीत जळताना दिसत आहे. आगीचे कारण अद्याप समजू शकलेले नाही. यात कोणतीही इजा किंवा जीवितहानी झाल्याचे वृत्त नाही.

टाटा मोटर्सने या घटनेबाबत आधीच एक निवेदन जारी केले आहे. त्यानुसार, “सोशल मीडियावर नुकत्याच घडलेल्या वेगळ्या थर्मल घटनेची सत्यता पडताळून पाहण्यासाठी सध्या सविस्तर तपास केला जात आहे. आम्ही आमच्या पूर्ण तपासणीनंतर तपशीलवार प्रतिसाद शेयर करू. आम्ही आमच्या वाहनांच्या आणि त्यांच्या वापरकर्त्यांच्या सुरक्षेसाठी वचनबद्ध आहोत. जवळपास 4 वर्षात देशभरात 30,000 हून अधिक ईव्हीने एकत्रितपणे 100 दशलक्ष किमी पेक्षा जास्त अंतर कापल्यानंतर ही पहिलीच घटना आहे.

@TataMotors @TataMotors_Cars @TeamBHPforum @NexonEVOwnerClb A nexon ev caught fire in vasai near mumbai. pic.twitter.com/CEQFQosxDg

— Ketan (@K10711988) June 22, 2022

सोशल मीडिया पोस्टनुसार, ही घटना मुंबईजवळील वसईमध्ये घडली आहे. इतर वापरकर्त्यांनी देखील सोशल मीडियावर या घटनेवर निवेदनाची मागणी केली.

@TeslaClubIN @RNTata2000 @Tatamotorsev @nitin_gadkari
Need statement on this incident. Nexon ev caught fire in Mumbai pic.twitter.com/NxrZ99mkr9

— AM (@amtrade141) June 23, 2022

The post आता इलेक्ट्रिक कारला आग! मुंबईत Tata Nexon EV ने घेतला पेट… appeared first on थोडक्यात घडामोडी.