मागच्या आठवड्यात बैरुत शहरात अमोनियम नायट्रेटच्या झालेल्या महाभयंकर स्फोटांपासून बोध घेत, चेन्नईतील अमोनियम नायट्रेटचा साठा मार्गी लावण्यात आला आहे. बैरुतमधील घटनेनंतर भारताच्या चेन्नई शहरातही एका गोदामामध्ये असाच काहीशे टन अमोनियम नायट्रेटचा साठा असल्याचे समोर आले होते. सुरक्षेच्या दृष्टीकोनातून ही चिंतेची बाब होती.

चेन्नईतील स्फोटक केमिकलचा ई-लिलाव झाला असून हा साठा आता हैदराबादला पाठवण्यात येत आहे. एनडीटीव्हीने सूत्रांच्या हवाल्याने हे वृत्त दिले आहे. चेन्नईत हा अमोनियम नायट्रेटचा साठा जिथे होता, त्याच्या आसपास जवळपास १२ हजारची लोकवस्ती आहे.
चेन्नईजवळ कंटेनरमध्ये ६९७ टन केमिकल ठेवण्यात आले होते. केमिकलने भरलेले काही कंटेनर आधीच हैदराबादच्या दिशेने रवाना झाले आहेत. सुरक्षिततेची सर्व काळजी घेऊन उर्वरित केमिकलही कार्गोने पाठवण्यात येतील असे सूत्रांनी सांगितले.

The post चेन्नई मधील अमोनियम नायट्रेटचा साठा अशा प्रकारे लावला मार्गी… appeared first on थोडक्यात घडामोडी.

दोन दिवसांपूर्वी बैरुत येथे साठवण्यात आलेल्या अमोनियम नायट्रेटचा मोठा स्फोट झाला होता. आता भारतातही साठवण्यात आलेल्या अमोनियम नायट्रेटवरून चिंता व्यक्त करण्यात येत आहे. चेन्नईच्या बाहेरील परिसरात तब्बल ७०० टन अमोनियम नायट्रेट साठवण्यात आलं आहे. यावरून अधिकाऱ्यांनी चिंता व्यक्त केली आहे. २०१५ मध्ये अमोनियम नायट्रेटचा हा साठा चेन्नई बंदरावर जप्त करण्यात आला होता आणि तेव्हापासून तो याच ठिकाणी पडून असल्याचं अधिकाऱ्यांनी सांगितलं.

२०१५ मध्ये तामिळनाडूच्या एका आयातदाराकडून १.८० कोटी रूपयांचं रसायन जप्त करण्यात आलं होतं. दक्षिण कोरियामधून आयात करण्यात आलेला माल सुरक्षित आहे आणि तो काढण्यासाठी ई-लिलाव प्रक्रिया सुरू आहे, अशी माहिती सीमाशुल्क विभागाच्या अधिकाऱ्याकडून देण्यात आली.
सीबीआयसीने सीमाशुल्क आणि त्या ठिकाणच्या प्रशासनाला त्वरित पडताळणी करण्यास सांगितलं आहे. देशभरातील गोदामांमध्ये व बंदरांमध्ये कोणतीही धोकादायक व स्फोटक सामग्री सर्व सुरक्षा आणि अग्निशामक मापदंडांची पूर्तता करत असल्याची ४८ तासात पडताळणी करण्याचे निर्देशही देण्यात आले आहेत. तसंच मानवी जीवन आणि संपत्तीलाही धोका नसल्याची पडताळणी करण्यास सांगण्यात आलं आहे.

“अमोनियम नायट्रेटमुळे चेन्नईच्या गोदामातही बैरुतसारख्या स्फोट होण्याचा धोका आहे. हे रोखण्यासाठी चेन्नईच्या गोदामातील अमोनियम नायट्रेट  आवश्यक त्या ठिकाणी योग्य वापर केला गेला पाहिजे,” असं मत पीएमकेचे प्रमुख डॉ. रामदास यांनी व्यक्त केलं..

The post चेन्नईमध्ये तब्बल ७०० टन अमोनियम नायट्रेट appeared first on थोडक्यात घडामोडी.