नागपूर महानगरपालिकेचे आयुक्त तुकाराम मुंढे यांनी मंगळवारी रस्त्यावर उतरून धडक कारवाई केली. सेंट्रल एव्हेन्यू, मस्कासाथ, इतवारी, चितार ओळ या भागाचा आकस्मिक दौरा केला. आयुक्तांच्या निर्देशावरून अनेक ठिकाणी दुकानाचे फुटपाथवर ठेवलेले सामान अतिक्रमणविरोधी पथकाने जप्त केले.

त्यानंतर काही दुकानात स्वतः शिरून पाहणी केली. पाच पेक्षा अधिक ग्राहक असलेल्या दुकानांवर दंडात्मक कारवाई केली. चितार ओळ येथील मूर्तीकारांनीही तयार केलेल्या मूर्ती रस्त्यावर ठेवल्या होत्या. त्यांना समज देऊन दंडात्मक कारवाई केली. पाच आणि दहा हजारांचा दंड नियम तोडणाऱ्यांवर ठोठावला. या कारवाईनंतरही दुकानदार ऐकत नसतील तर दंडाची रक्कम २५ हजारांपर्यंत करण्यात येईल, असा इशाराही त्यांनी दिला.

The post तुकाराम मुंढेंनी धडक कारवाई करत नियम मोडणारांवर केली दंडात्मक कारवाई appeared first on थोडक्यात घडामोडी.