हिमाचल प्रदेश : हिमाचल प्रदेशातील सोलन खोऱ्यातील टिंबर ट्रेल परवानू येथे सोमवारी त्यांच्या दोन केबल कारमध्ये तांत्रिक बिघाड झाल्याने ११ पर्यटक हवेतच अडकून पडले होते. त्यानंतर काही क्षणापुर्वी या सर्वांना वाचवण्यात यश आले आहे. बचाव उपकरणाच्या साहाय्याने प्रवाशांना खाली दरीत एका टेकडीवर उतरवले जात होते.

पर्यटकांना वाचवण्यासाठी दुसरी केबल कार ट्रॉली तैनात करण्यात आली. टिंबर ट्रेल ऑपरेटरचे तांत्रिक पथक तैनात करण्यात आले आणि पोलिसांचे पथक परिस्थितीवर लक्ष ठेवून होते. दरम्यान, हिमाचल प्रदेशचे मुख्यमंत्री जयराम ठाकूर यांनी याबाबत ट्विट केले. ते म्हणाले, “सोलनच्या परवानू टिंबर ट्रेलमध्ये अडकलेल्या पर्यटकांना वाचवण्याचे काम सुरू आहे. घटनेची माहिती मिळताच मी स्वतः घटनास्थळी जात आहे. प्रशासन घटनास्थळी असून एनडीआरएफ आणि प्रशासनाच्या मदतीने लवकरच सर्व प्रवाशांची सुखरूप सुटका केली जाईल.”

सोलन के परवाणू टिंबर ट्रेल में फंसे पर्यटकों का रेस्क्यू अभियान जारी है।

घटना की जानकारी मिलते ही मैं स्वयं मौक़े पर जा रहा हूँ।

प्रशासन मौके पर है और एनडीआरएफ व प्रशासन की मदद से जल्द सभी यात्रियों को सुरक्षित रेस्क्यू कर लिया जाएगा।

— Jairam Thakur (@jairamthakurbjp) June 20, 2022

केबल कार हे टिंबर ट्रेल प्रायव्हेट रिसॉर्टचे वैशिष्ट्य आहे, चंदीगडपासून सुमारे 35 किलोमीटर अंतरावर आहे आणि संपूर्ण प्रदेशात लोकप्रिय आहे. हरियाणा, पंजाब आणि चंदीगडसह हिमाचल प्रदेशच्या सीमेवर हे स्थान आहे.

एप्रिलमध्ये, बाबा बैद्यनाथ मंदिराजवळील त्रिकुट हिल्स येथे रोपवेवर काही केबल कार आदळल्या होत्या. त्यावेळी त्या दुर्घटनेत काही जणांनी आपला जीव गमावला होता.

The post हिमाचलमध्ये केबल कारमध्ये बिघाड झाल्याने 11 पर्यटक हवेतच अडकले, सर्वांना वाचवण्यात यश appeared first on थोडक्यात घडामोडी.