मध्य प्रदेश : मध्य प्रदेशात झालेल्या भीषण अपघातात ११ जणांचा मृत्यू झाला आहे. मध्य प्रदेशातील बैतुल जिल्ह्यातील पार्टवारा रोडवरील झाल्लार गावात रात्री दोन वाजेच्या सुमारास बस आणि तवेरा कारची धडक होऊन जीपमधील 11 जणांचा दुर्दैवी मृत्यू झाला. मृतांमध्ये 5 पुरुष, 4 महिला आणि दोन मुलांचा समावेश आहे. एक जण गंभीर जखमी झाला असून त्याला उपचारांसाठी रुग्णालयात दाखल करण्यात आलं आहे.

बैतुलचे पोलीस अधीक्षक सिमला प्रसाद यांनी सांगितले की, रिकाम्या जाणाऱ्या एमपी 48 पी 0193 या बसची आणि तवेरा कारची धडक झाली. कारमधील सर्व लोक मजूर आहेत जे महाराष्ट्रातील कळंबा येथून आपल्या गावी परतत होते. कारचे काही भाग कापून मृतदेह बाहेर काढण्यात आले आहेत. ही धडक इतकी भीषण होती की कारचा चक्काचूर झाला. याशिवाय बसच्या पुढील भागाचेही नुकसान झाले आहे. या अपघातात बसचालक यशवंत पार्टे जखमी झाला. माहिती मिळताच बैतुलचे जिल्हाधिकारी आणि एसपीसह अन्य अधिकारी घटनास्थळी पोहोचले.

पंतप्रधान नरेंद्र मोदी आणि मुख्यमंत्री शिवराज सिंह चौहान यांनीही या घटनेवर शोक व्यक्त केला आहे. पंतप्रधान सहायता निधीतून मृतांच्या नातेवाईकांना 2 लाख रुपये आणि जखमींना 50 हजार रुपयांची मदत जाहीर करण्यात आली आहे.

Pained by the loss of lives due to an accident in Betul, MP. Condolences to the bereaved families. May the injured recover soon. An ex-gratia of Rs. 2 lakh from PMNRF would be given to the next of kin of each deceased. Rs. 50,000 would be given to the injured: PM @narendramodi

— PMO India (@PMOIndia) November 4, 2022

कामगार 20 दिवसांनी घरी परतत होते
बैतूल जिल्हा मुख्यालयापासून सुमारे 35 किमी अंतरावर असलेल्या परतवारा मार्गावरील झाल्लार गावात बस आणि तवेरा यांच्यात झालेल्या धडकेत प्राण गमावलेले 11 जण सुमारे 20 दिवसांनी आपापल्या घरी परतत होते. महाराष्ट्रात मजूर म्हणून काम करून परतत असताना एका अपघाताने त्यांचा जीव घेतला. ते ज्या तवेरामध्ये परतत होते, त्या तवेराच्या चालकाला अचानक डुलकी लागल्यामुळे तवेराचे नियंत्रण सुटले आणि भरधाव वेगात ती बसवर धडकली. जिल्हाधिकारी अमनबीर सिंह बैंस यांनी सांगितले की, बस आणि जीपच्या धडकेत 11 जणांचा मृत्यू झाला आहे. यामध्ये मेंढा, चिखलर आणि महातगाव येथील सहा पुरुष, तीन महिला आणि दोन मुलांचा समावेश आहे.

या अपघातातील मृतांची नावे

1. लक्ष्मण सुखराम भुस्मकर (30)
2. किशन लीलाजी मावस्कर (32)
3. कुसुम किशन मावस्कर (28)
4. अनारकली केजा मावस्कर (35)
5. संध्या केजा मावस्कर (5)
6. अभिराज केजा मावस्कर (वय दीड वर्ष)
7. सहबलाल धुर्वे (वय 35)
8. मंगल नन्हेसिंग उईके (37)
9. नंदकिशोर धुर्वे (48)
10. श्यामराव रामराव झारबडे (40)
11. रामकली श्यामराव झारबडे (35)

The post गावी निघालेल्या मजुरांचा मध्य प्रदेशात भीषण अपघात, 11 जणांचा दुर्दैवी मृत्यू, पंतप्रधानांकडून मदत जाहीर appeared first on थोडक्यात घडामोडी.