पुणे : पिंपरी-चिंचवड पोलिसांनी पिंपळे सौदागर परिसरात स्पाच्या नावाखाली सुरु असलेल्या सेक्स रॅकेटचा पर्दाफाश केला आहे. या कारवाईत पोलिसांनी ३० वर्षीय स्पा मालकाला अटक केली असून वेश्याव्यवसायासाठी भाग पाडण्यात आलेल्या सात महिलांची सुटका करण्यात आली आहे.

संबंधित कारवाई वरिष्ठ पोलिस निरीक्षक नितीन गिते यांच्या मार्गदर्शनाखाली गुन्हे शाखेच्या मानव तस्करी विरोधी पथकाने (AHTU) केली. पिंपळे सौदागरमधील रोझ आयकॉन इमारतीत असलेल्या ‘द ऑरा थाई स्पा’ येथे हा छापा टाकण्यात आला.

पोलिसांना स्पामध्ये संशयास्पद हालचाली होत असल्याची माहिती स्थानिकांकडून मिळाली होती. माहितीची खातरजमा करण्यासाठी पोलिसांनी एका बनावट ग्राहकाला स्पामध्ये पाठवले. त्यातून मिळालेल्या पुष्टीकरणानंतर पथकाने स्पावर अचानक धाड टाकली. छाप्यामध्ये सात महिलांना जबरदस्तीने वेश्याव्यवसायास प्रवृत्त केल्याचे निष्पन्न झाले. या महिलांना देशातील विविध राज्यांमधून आणण्यात आल्याचे पोलिसांनी सांगितले.

“मिळालेल्या माहितीच्या आधारे आमच्या पथकाने सखोल तपास करून कारवाई केली. महिलांची सुरक्षितपणे सुटका करून त्यांना आश्रयगृहात हलवण्यात आले आहे,” असे वरिष्ठ निरीक्षक नितीन गिते यांनी सांगितले.

कारवाईत अटक केलेला स्पा मालक केरळमधील तिरुवनंतपुरम येथील आहे. त्याच्याविरुद्ध सांगवी पोलिस ठाण्यात मानव तस्करी, अनैतिक व्यवसाय आणि संबंधित कलमांनुसार गुन्हा दाखल करण्यात आला आहे. पुढील तपास सुरू असून या रॅकेटमागील इतर गुन्हेगारांचा शोध घेतला जात आहे.

पोलिसांच्या या कारवाईमुळे परिसरात दडलेले सेक्स रॅकेट उघडकीस आले असून स्थानिकांनी समाधान व्यक्त केले आहे.

The post पुणे : सेक्स रॅकेटचा पर्दाफाश; स्पा मालकाला अटक, सात महिलांची सुटका appeared first on थोडक्यात घडामोडी.

पुणे : हिंजवडीत मसाज सेंटरच्या नावाखाली चालणाऱ्या वेश्याव्यवसाय रॅकेटचा यशस्वीपणे पर्दाफाश करण्यात पिंपरी चिंचवड पोलिसांच्या गुन्हे शाखेच्या मानव तस्करी विरोधी युनिटला (AHTU) यश मिळाले आहे. 21 जून रोजी केलेल्या महत्त्वपूर्ण कारवाईत सेक्स रॅकेटचा पर्दाफाश झाला. कारवाईदरम्यान या बेकायदेशीर कृत्याला बळी पडलेल्या दोन महिलांची सुटका करण्यात आली. मसाज सेंटरच्या मालकावर गुन्हा दाखल करण्यात आला आहे.

मिळालेल्या माहितीनुसार, ल्युमिनस एसपीए येथे सुरू असलेल्या वेश्या व्यवसायाबाबत पोलिसांना माहिती मिळाली होती. त्यानंतर पुरावे गोळा करण्यासाठी आणि मिळालेल्या माहितीची पडताळणी करण्यासाठी तेथे काही गुप्त अधिकारी पाठवण्यात आले. पुष्टी झाल्यानंतर सापळा रचून त्याठिकाणी छापा टाकण्यात आला. या कारवाईदरम्यान वेश्याव्यवसायाला बळी पडलेल्या दोन महिलांची सुटका करण्यात आली.

वेश्याव्यवसायाचा मुख्य सूत्रधार कांगणे याच्यावर अनैतिक तस्करी प्रतिबंधक कायदा 1956 च्या कलम 3, 4 आणि 5 आणि भारतीय दंड संहितेच्या कलम 370 (3) अंतर्गत आरोप ठेवण्यात आले आहेत. राहुल नवनाथ कांगणे (२८) असे या व्यक्तीचे नाव असून तो मूळचा लातूर जिल्ह्यातील असून तो हिंजवडी येथील सुरतवाला मार्क प्लाझा येथील दुसऱ्या मजल्यावर ल्युमिनस एसपीए या नावाने अवैध वेश्याव्यवसाय चालवत असल्याचे निष्पन्न झाले आहे.

The post पुणे : मसाज सेंटरच्या नावाखाली सुरु असलेल्या सेक्स रॅकेटचा पर्दाफाश, 2 महिलांची सुटका appeared first on थोडक्यात घडामोडी.

मुंबई : मुंबई क्राइम ब्रँचच्या यूनिट 7 ने मुंबईच्या घाटकोपर भागातील ईस्टर्न सबर्ब परिसरातील एका हाय प्रोफाइल सेक्स रॅकेटचा पर्दाफाश केला आहे. यामध्ये पोलिसांनी आरोपी महिलेला अटक केली असून इतर तीन महिलांची सुटका केली आहे. यामध्ये एका भोजपुरी अभिनेत्रीचा देखील समावेश आहे.

क्राइम ब्रॅंचचे डीसीपी अकबर पठान यांनी अधिक माहिती देताना सांगितलं की मोबाईलद्वारे काही मुलींना वेश्या व्यवसायासाठी पुरवलं जात असल्याची माहिती मिळाली होती. त्यांच्या टीमला या रॅकेटमध्ये मॉडेल्स आणि अभिनेत्रींचा समावेश असल्याचं समजलं होतं. त्यानुसार पोलिसांनी सापळा रचून एक बोगस ग्राहकाच्या माध्यमातून हा प्रकार उघडकीस आणला. पोलीस पुढील तपास करत असून मुख्य आरोपीचा शोध घेत आहेत.

The post मुंबईत हाय प्रोफाइल सेक्स रॅकेटचा पर्दाफाश, अभिनेत्रीच्या समावेशाने खळबळ appeared first on थोडक्यात घडामोडी.